Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • km 8/07 bl. 6
  • Nuwe kringbyeenkomsprogram

Video nie beskikbaar nie.

Jammer, die video kon nie laai nie.

  • Nuwe kringbyeenkomsprogram
  • Ons Koninkryksbediening—2007
  • Soortgelyke materiaal
  • Nuwe kringbyeenkomsprogram
    Ons Koninkryksbediening—2008
  • Nuwe Kringbyeenkomsprogram
    Ons Koninkryksbediening—1995
  • Let voortdurend op hoe julle wandel
    Ons Koninkryksbediening—1989
  • Maak seker van die belangriker dinge
    Ons Koninkryksbediening—1987
Sien nog
Ons Koninkryksbediening—2007
km 8/07 bl. 6

Nuwe kringbyeenkomsprogram

Jehovah verdien om verheerlik te word. Hoe verheerlik ons Jehovah? Watter uitdagings moet party in hierdie verband te bowe kom? Watter seëninge verkry diegene wat God nou verheerlik? Die kringbyeenkomsprogram vir die 2008-diensjaar sal bevredigende antwoorde op hierdie vrae voorsien. Die tema daarvan is “Doen alles tot heerlikheid van God” (1 Kor. 10:31). Kyk ’n bietjie wat vir ons voorlê gedurende die komende twee dae van ryk geestelike onderrigting.

Die streekopsiener sal praat oor die onderwerpe “Waarom moet ons aan God heerlikheid gee?” en “Wees voorbeeldig in die nakoming van God se vereistes”. Hy sal die openbare toespraak hou, “Wie is die mense wat God verheerlik?” sowel as die slottoespraak, “Wêreldwyd verenig in die verheerliking van God”. Hy sal ook die Teokratiese Bedieningskool hou. Die kringopsiener sal praat oor die temas “Skep behae daarin om God se heerlikheid te weerkaats”, “Skenk aandag aan die behoeftes van die kring” en “Bly ‘vasstaan in die waarheid’”, wat op 2 Petrus 1:12 gebaseer is. Ons sal ook kan luister na die toespraak “Die pionierbediening verheerlik God”. “Ons verheerlik God in alle aspekte van ons lewe”, die eerste van twee gedagteprikkelende simposiums, sal die diep betekenis van die geïnspireerde woorde in 1 Korintiërs 10:31 ondersoek. Die simposium “Verrig heilige diens om Jehovah te loof” sal verskeie aspekte van ons aanbidding behandel. Sondag sal ons die opsomming van Die Wagtoring en die bespreking van die dagteks geniet. Daar sal ook ’n geleentheid vir doop wees.

Die meeste mense weier om erkenning te gee aan God. Baie is te behep met die planne van mense om oor Jehovah se heerlikheid te peins (Joh. 5:44). Maar ons is daarvan oortuig dat dit belangrik is om die tyd te neem om na te dink oor die onderwerp: “Doen alles tot heerlikheid van God.” Reël om daar te wees en ten volle by al vier sessies baat te vind.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel