Branch Letter

Liewe Koninkryksverkondigers

Die afgelope diensjaar was ’n baie besige maar vreugdevolle jaar. Die toewyding van die vergrote takfasiliteite het op 10 November 2007 plaasgevind en is bygewoon deur duisende broers en susters vanoor die hele land wat meer as 40 jaar lank gedoop is. ’n Groot groep broers uit ander lande het dit ook bygewoon. Dit was inderdaad ’n vreugdevolle, geloofversterkende geleentheid.

Ons was verheug om ’n nuwe hoogtepunt van 82 447 verkondigers in Maart en 101 498 Bybelstudies in April te bereik. Die Gedenkmaalbywoning van 205 498 is ook ’n nuwe hoogtepunt.

Gedurende Mei is die land geskok deur die xenofobiese aanvalle op uitlanders. Baie van ons broers uit buurlande is daardeur geraak. Hoewel niemand doodgemaak is nie, het baie hulle nederige wonings en ander aardse besittings verloor. Party, onder wie ’n aantal Bybelstudente, is aangeval en het groot emosionele trauma deurgemaak. Die reaksie van die broers in nabygeleë “veiliger” gebiede was baie bemoedigend. Hierdie broers het gehelp met huisvesting, kos, klere en wat ook al nodig was om die slagoffers gemakliker te maak. Ander het finansiële hulp voorsien wat dit vir party moontlik gemaak het om na hulle eie land terug te keer. Een gemeente in Kaapstad het ’n brief van waardering ontvang vir die hulp wat hulle aan ons broers verleen het. Dit het deels gesê: “Ons was nie vlugtelinge nie; ons het dit geniet om as ’n gesin saam te bly. Die manier waarop ons gered is, gee ons ’n idee van hoe ons op die regte tyd by Armageddon gered sal word en ’n goeie plek in die paradys sal ontvang.” Baie van ons het die geleentheid gekry om te toon dat ons werklik ons broers liefhet. As dit van ons vereis word, sal ons vir ons broers sterf.—Joh. 13:34, 35.

Julle broers

Suid-Afrikaanse takkantoor