Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • km 7/10 bl. 1
  • Ons prioriteit

Video nie beskikbaar nie.

Jammer, die video kon nie laai nie.

  • Ons prioriteit
  • Ons Koninkryksbediening—2010
  • Soortgelyke materiaal
  • Voer jy jou bediening ten volle uit?
    Die Wagtoring kondig Jehovah se Koninkryk aan (Studie-uitgawe) – 2019
  • Wat stel jy eerste?
    Ons Koninkryksbediening—2003
  • ‘Volg Sy Voetstappe Noukeurig’
    Ons Koninkryksbediening—2008
  • Die Christelike bediening—Ons vernaamste werk
    Ons Koninkryksbediening—2003
Sien nog
Ons Koninkryksbediening—2010
km 7/10 bl. 1

Ons prioriteit

1. Hoe het Jesus getoon dat die bediening vir hom belangrik is?

1 Die bediening was Jesus se prioriteit. Hy het hom ingespan en honderde kilometers deur Palestina geloop om vir soveel mense as moontlik te preek. Hy het sy lewe eenvoudig gehou sodat hy meer tyd en aandag aan die bediening kon wy (Matt. 8:20). Toe die skare hom probeer teëhou het sodat hy hulle siekes kon genees, het hy gesê: “Ook aan ander stede moet ek die goeie nuus van die koninkryk van God bekend maak, want hiervoor is ek uitgestuur.”—Luk. 4:43.

2. Waarom was die bediening so belangrik vir Jesus?

2 Waarom was die bediening so belangrik vir Jesus? Die heiliging van Jehovah se naam was vir hom die hoofsaak (Matt. 6:9). Hy het sy hemelse Vader liefgehad, en daarom wou hy Sy wil volbring en elke gebod van Hom gehoorsaam (Joh. 14:31). Verder het hy waarlik vir mense omgegee en wou hy hulle help.—Matt. 9:36, 37.

3. Hoe kan ons toon dat ons ons op die bediening toespits?

3 Volg Jesus na: Dit kan ’n uitdaging wees om op die bediening toegespits te bly soos Jesus, aangesien hierdie wêreld baie van ons tyd in beslag neem en baie afleiding bied (Matt. 24:37-39; Luk. 21:34). Ons moet derhalwe van die belangriker dinge seker maak en tyd opsysit om vir die predikingswerk voor te berei en gereeld daaraan deel te neem (Fil. 1:10). Ons probeer ’n eenvoudige lewe lei en gebruik die wêreld nie ten volle nie.—1 Kor. 7:31.

4. Waarom is dit noodsaaklik om nou die regte prioriteite te stel?

4 Wanneer tyd beperk is, stel ’n wyse persoon prioriteite. As hy byvoorbeeld hoor dat ’n gevaarlike storm op pad is, sal hy sy tyd en energie gebruik om reëlings vir die veiligheid van sy gesin te tref en sy bure te waarsku. Minder belangrike bedrywighede sal wag. Die oorblywende tyd voor die storm van Armageddon is kort (Sef. 1:14-16; 1 Kor. 7:29). As ons onsself en dié wat na ons luister, wil red, moet ons voortdurend op onsself en op ons onderrigting let, hetsy dit binne of buite die gemeente is (1 Tim. 4:16). Ja, ons oorlewing hang daarvan af dat ons die bediening voortdurend as ’n prioriteit beskou!

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel