As jy anderstalige lektuur gou nodig het

Soms ontmoet ons mense wat ons lektuur wil lees in ’n taal wat ons gemeente nie in voorraad het nie. Het jy geweet dat jy self lektuur in omtrent 400 tale kan druk as jy toegang het tot die Internet en ’n drukker? So doen ’n mens dit:

• Gaan na www.watchtower.org, ons amptelike webwerf.

• Aan die regterkant van die tuisblad is daar ’n gedeeltelike lys tale. Klik op die prentjie van die aardbol vir ’n lys van al die beskikbare tale.

• Klik op die taal wat jy wil hê. ’n Bladsy sal verskyn met die lektuur wat jy kan druk, soos traktate, brosjures en artikels. Aangesien hierdie bladsy geskryf is in die taal wat jy gekies het, hoef jy nie bekommerd te wees as jy nie die titels herken nie.

• Klik op enige item. Die materiaal sal op die skerm verskyn en kan dan gedruk word deur die “print”-knoppie van jou webleser te gebruik.

Ons webwerf bevat net ’n paar publikasies; meer publikasies is by die gemeente beskikbaar. (Publikasies wat hoofsaaklik vir Getuies bedoel is, soos die Wagtoring-studieartikels, kan in etlike tale van die webwerf jw.org afgelaai word.) Wanneer jy vasgestel het dat daar belangstelling is, is dit beter om lektuur by die lektuurtoonbank aan te vra.