The Wonders of Creation Reveal God’s Glory
Baie mense geniet dit om na die skepping te kyk. Maar min besef dat dit hulle ’n kykie gee in die verstand en hart van ons Grootse Skepper (Rom. 1:20). Lank gelede het Dawid oor Jehovah geleer deur Sy geïnspireerde Woord te bestudeer. Maar hy het Hom ook “gesien” en nader aan Hom gekom deur die skepping waar te neem (Ps. 8:3, 4). Die video met die titel The Wonders of Creation Reveal God’s Glory help ons, ons kinders en ons Bybelstudente om ’n paar van Jehovah se skeppingswerke van naderby te beskou, die eienskappe en persoonlikheid van ons Grootse Skepper te sien en gevolglik nader aan hom te kom. Kyk of julle die volgende vrae kan beantwoord nadat julle na die video gekyk het.
(1) Hoe word jou waardering vir Jehovah vergroot wanneer jy dink aan die grootte en orde van die stoflike heelal? (Jes. 40:26). (2) Wat kan ons leer omtrent die Een wat water geskep het wanneer ons hierdie vloeistof van naderby beskou? (Op. 14:7). (3) Hoe lewer die aarde se grootte en afstand van die son af bewys van Jehovah se wysheid? (4) Watter doel dien die maan? (Ps. 89:37). (5) Hoe weet ons dat Jehovah die mens gemaak het om die lewe te geniet? (6) Wat is DNS? (Ps. 139:16). (7) Hoe verskil die mens van die res van Jehovah se aardse skeppingswerke? (Gen. 1:26). (8) Waarna sien jy uit in die nuwe wêreld?
Ekstra kenmerke: (9) Waar kom kleur vandaan? (10) Hoe werk water swaartekrag teë sodat dit boomtoppe kan bereik? (11) Watter rol speel water in ons liggaam? (12) Gee voorbeelde van die harmonie wat tussen lewende dinge bestaan. (13) Hoe weet sommige lewende wesens dat hulle met ander wesens kan saamlewe tot mekaar se voordeel? (14) Wat is die “goue hoek”, en waar kom dit in die skepping voor?
Ons moet Jehovah se handewerk ‘noukeurig dophou’: Jesus het ons aangespoor om “die voëls van die hemel noukeurig dop [te hou]” en om “’n les by die lelies van die veld [te leer]” (Matt. 6:26, 28). As ons dit doen, kan dit ons geloof versterk, ons vertroue in die Skepper opbou en ons waardering vir Jehovah se wysheid, reddingskrag en liefde vergroot. Ons moenie toelaat dat die werke van hierdie wêreld ons aandag aflei nie, maar moet eerder tyd opsysit en moeite doen om die wonders van Jehovah se skepping waar te neem en na te dink oor wat dit ons omtrent ons God leer.—Ps. 19:1.