Veranderinge aan die vergadering in die week

Vanaf die week van 3 September sal die Gemeentelike Bybelstudie van 25 na 30 minute verleng word. Die broer wat die deel behartig, moet in sy inleiding een minuut gebruik om die vorige les te hersien. Die Diensvergadering sal van 35 na 30 minute verkort word. Daar sal nie meer ’n afsonderlike deel vir aankondigings wees nie. Enige aankondigings moet dan aan die begin van die eerste deel op die program gemaak word. In die meeste gevalle sal min of geen aankondigings nodig wees nie, en daar hoef nie aangekondig te word wat gedurende die vergadering bespreek sal word nie. Daar moenie aankondigings gemaak word in verband met velddiens- en skoonmaakreëlings of groete wat oorgedra word nie (km 10/08 bl. 1, par. 4). As ’n lang aankondiging gemaak sal word, sal dit goed wees as diegene wat ’n deel op die program het, vroegtydig daarvan in kennis gestel word sodat hulle hulle deel korter kan maak.