Verbeter jou vaardighede in die bediening—Getuieniswerk in sakegebied

Waarom dit belangrik is: Aangesien baie mense lang ure werk, is dit dikwels die beste om hulle by hulle werksplek met die Koninkryksboodskap te bereik. Getuieniswerk in sakegebied kan baie lekker en produktief wees, want daar is geen nietuise nie, en werkers is gewoonlik vriendelik met mense wat hulle as potensiële kliënte beskou. As verkondigers doeltreffend wil wees, moet hulle goeie oordeel aan die dag lê en voorbeeldig wees wat hulle kleredrag en persoonsversorging betref (2 Kor. 6:3). Die diensopsiener moet dus goed toesig hou oor hoe dikwels hulle sakegebied gedek word en deur wie dit gedek word.

Hoe om dit te doen:

Berei ’n kort aanbieding voor. As ons te lank met iemand gesels terwyl hy by die werk is, sal ons dalk nie weer ’n kans gegee word om in die toekoms met hom te gesels nie.
Kies ’n tyd wanneer besighede nie so besig is nie, soos wanneer hulle oopmaak.
Probeer om eers met die bestuurder te praat. Wees hartlik en vriendelik. Jy kan dalk sê: “Ons besoek mense kortliks by hulle werksplek omdat dit moeilik is om hulle by die huis te kry.” Getuig kortliks vir hom en bied vir hom ’n traktaat, die tydskrifte of ’n ander publikasie aan. Omdat ons nie wil hê dat mense moet dink dat ons verkoopsmanne is nie, sal ons nie melding maak van die bydraereëling nie, tensy iemand ons vra hoe ons werk gefinansier word.
As die bestuurder vriendelik is, kan ons hom vra of ons kortliks met die ander werkers mag praat. By sommige besighede sal dit beter wees as ons vra of ons lektuur in die teekamer kan laat.
Lê goeie oordeel aan die dag en wees aanpasbaar. Byvoorbeeld, as ’n werker met ’n kliënt praat of besig is, moet ons wag totdat hy klaar is voordat ons met hom begin praat.

Wenk vir die maand:

Oefen tydens julle volgende aand vir Gesinsaanbidding ’n kort aanbieding wat julle kan gebruik as julle in sakegebied getuig.