Die aaklige gevolge van oorlog

“Jy sien die hele tyd hoe mense doodgemaak of ernstig beseer word. Jy voel heeltyd onseker.” – Gary, Brittanje.

“Ek is deur koeëls in my rug en gesig getref, en ek het gesien hoe baie mense doodgemaak is, insluitende kinders en bejaardes. Oorlog maak jou ongevoelig.” – Wilmar, Colombia.

“Wanneer iemand voor jou geskiet word, kan jy nie ophou daaroor dink nie. Die geskree en gekerm hou aan. Jy vergeet nie daardie persoon nie – nooit nie.” – Zafirah, Verenigde State.

“Ek het gevoel asof ek nooit weer gelukkig gaan wees nie. Jy is bang dat jy of jou familie of vriende doodgemaak sal word.” – Oleksandra, Oekraïne.

“Ons was vreesbevange omdat ons van tweeuur die oggend tot elfuur die aand in ’n ry moes staan om kos te kry. En ons was altyd bang dat ons deur ’n dwaalkoeël getref sou word.” – Daler, Tadjikistan.

“My ouers is gedurende ’n oorlog doodgemaak. En as gevolg daarvan het ek ’n weeskind geword en was daar niemand wat my kon vertroos of vir my sorg nie.” – Marie, Rwanda.