Hoekom oorlog en gewelddadige konflik aanhou

SONDE

God het ons eerste ouers, Adam en Eva, na sy beeld geskep (Genesis 1:27). Dit het beteken dat hulle van nature God se eienskappe, insluitende vrede en liefde, sou weerspieël (1 Korintiërs 14:33; 1 Johannes 4:8). Maar Adam en Eva was ongehoorsaam aan God en het gesondig. As gevolg hiervan het almal van ons sonde en die dood geërf (Romeine 5:12). Ons almal is geneig tot gewelddadige gedagtes en dade as gevolg van sonde wat ons oorgeërf het. – Genesis 6:5; Markus 7:​21, 22.

MENSEREGERINGS

God het ons nie geskep om oor onsself te regeer nie. Die Bybel sê: “Dit behoort nie aan die mens wat loop om sy voetstappe te rig nie” (Jeremia 10:23). Daarom kan menseregerings nie heeltemal oorlog en geweld verwyder nie.

SATAN EN SY DEMONE

Die Bybel sê dat “die hele wêreld . . . in die mag van die Duiwel [is].” (1 Johannes 5:19). Satan die Duiwel is ’n bose moordenaar (Johannes 8:44). Hy en ander bose geesskepsele is die onsigbare opstokers van oorlog en geweld. – Openbaring 12:​9, 12.