Jehovah, God van vrede

1. O God wat vrede gee,

liefde toon in al u weë,

skenk ons tog u gees, Jehovah,

dit bring goeie vrugte mee.

Geloof beoefen ons

in u Seun se offerdood.

Ons geniet dus nou u vriendskap,

ons het vrede, ons het hoop.

2. U gees verskerp ons sig,

en u Woord verskaf ook lig.

In die duister, wrede wêreld

gee u leiding wat ons rig.

Ons weet u dag sal kom,

daarop wag ons nou getrou.

Maar ons vra u, seën ons pogings

om ons vrede te behou.

3. U knegte dien as een,

met u gees is hul geseën.

In die hemel en op aarde

word u Koninkryk gesteun.

U wil sal binnekort

hier op aarde kan geskied.

Dan sal al u troue knegte

ware vrede kan geniet.