Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • w86 2/1 bl. 31
  • Vrae van lesers

Video nie beskikbaar nie.

Jammer, die video kon nie laai nie.

  • Vrae van lesers
  • Die Wagtoring kondig Jehovah se Koninkryk aan—1986
  • Soortgelyke materiaal
  • Jou vingernaels Versorg jy hulle?
    Ontwaak!—1998
  • Jy kán vir ewig lewe
    ie Wagtoring kondig Jehovah se Koninkryk aan—2006
  • Beoefen geloof wat tot die ewige lewe lei
    Die Wagtoring kondig Jehovah se Koninkryk aan—1990
  • Is die dode lewend? Wat God sê
    Die Wagtoring kondig Jehovah se Koninkryk aan—1986
Sien nog
Die Wagtoring kondig Jehovah se Koninkryk aan—1986
w86 2/1 bl. 31

Vrae van lesers

▪ Wat is die verskil tussen onsterflikheid en die ewige lewe?

Die gesalfdes wat geeslewe in die hemel ontvang sowel as mense wat deur God regverdig verklaar word vir die lewe op die paradysaarde sal eindelose lewe geniet. As jy dus aan die uiteinde dink, loop onsterflikheid in die hemel en die ewige lewe op die aarde op basies dieselfde ding uit​—om vir ewig te lewe. Ons kan egter ’n paar kommentare oor onsterflikheid lewer.

Die Griekse woord wat met “onsterflikheid” (athanasia) vertaal word, word gevorm uit die negatiewe a en uit thanatos, wat “dood” beteken. Onsterflikheid het dus die basiese betekenis van ‘sonder dood’. Jehovah is begryplikerwyse die absolute bron van alle lewe en is onsterflik (Psalm 36:10; 90:1, 2). Dit word bevestig deur die feit dat sy verheerlikte Seun, wat nou “die afskynsel is van [God se] heerlikheid en die afdruksel van sy wese”, beskryf word as “die Koning van die konings en Here van die here, wat alleen onsterflikheid besit” (Hebreërs 1:3; 1 Timotheüs 6:15, 16). Geen skepsel kan Jesus se lewe as ’n onsterflike wese neem nie, en dit maak hom anders as mense of geeste wat kan sterf. Ons lees ook: “Ons weet dat Christus, nadat Hy opgewek is uit die dode, nie meer sterf nie. Die dood heers oor Hom nie meer nie.”​—Romeine 6:9.

Hoewel onsterflikheid in sekere sin ewige lewe is, behels onsterflikheid blykbaar meer as dat die besitter daarvan vir ewig sal lewe. Dit dui skynbaar op ’n besondere lewensgehalte, en dit word met onverganklikheid verbind. Die Bybel sê omtrent geesgesalfde Christene wat die hemelse beloning ontvang: “Hierdie verganklike [menseliggaam] moet met onverganklikheid beklee word, en hierdie sterflike moet met onsterflikheid beklee word. En wanneer hierdie verganklike met onverganklikheid beklee is en hierdie sterflike met onsterflikheid beklee is, dan sal vervul word die woord wat geskrywe is: Die dood is verslind in die oorwinning.”​—1 Korinthiërs 15:53,54.

Maar die Bybel voorsien nie baie besonderhede oor die lewensgehalte wat onsterflikheid genoem word nie. Ons weet wel dat sterflike mense​—selfs volmaakte mense met die vooruitsig op eindelose lewe op aarde—​moet eet en drink om die lewe te onderhou, anders sterf hulle en vergaan hulle liggame (Genesis 2:9, 15, 16). Onsterflikheid behels ongetwyfeld ’n lewensgehalte wat nie so onderhou hoef te word nie. Daar kan dus gesê word dat almal wat onsterflik word, nie aan die dood onderworpe is nie of dat ‘die dood oor hulle nie meer heers nie’. Dit sou ook ooreenstem met die feit dat hulle onverganklikheid ontvang, wat toon dat hulle geesliggaam of -organisme inherent nie kan agteruitgaan, verderf of vergaan nie. (Vergelyk 2 Korinthiërs 5:1; Openbaring 20:6.) In hierdie opsigte kan ’n verskil tussen onsterflikheid en ewige menselewe onderskei word.

Jehovah God is die volmaakte Regter wat gesalfdes met onsterflikheid beloon. Wanneer hy in sy grenslose wysheid en insig besluit dat sulke persone volkome beproef en onteenseglik bekwaam vir onsterflikheid is, kan ons seker wees dat hulle vir ewig getrou sal wees. Almal wat deur Jehovah waardig geag word vir eindelose lewe, hetsy as onsterflike geeste of as volmaakte mense, sal hom vir ewig kan aanbid. Ewige menselewe sowel as onsterflikheid in die hemel sal dus tot eindelose lewe lei.​—Johannes 17:3.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel