Vraebus

◼ Hoe lank moet ons met ’n progressiewe Bybelstudent studeer?

Dit is raadsaam om met ’n progressiewe Bybelstudent te studeer totdat hy twee publikasies voltooi het—Wat leer die Bybel werklik? en ‘Hou julle in God se liefde’. Dit is die geval, al word die student gedoop voordat hy die twee boeke voltooi het. Ná sy doop kan ons nog steeds die tyd, die herbesoeke en die studie rapporteer. As ’n verkondiger saam met ons gaan en aan die studie deelneem, kan hy ook die tyd tel.—Sien Ons Koninkryksbediening vir Maart 2009, bladsy 2.

Dit is belangrik dat nuwelinge ’n goeie grondslag in die waarheid het voordat hulle gelos word om op hulle eie bene te staan. Hulle moet in Christus “gewortel” en “in die geloof standvastig gemaak word” sodat hulle die beproewinge waarvoor hulle beslis te staan sal kom, die hoof kan bied (Kol. 2:6, 7; 2 Tim. 3:12; 1 Pet. 5:8, 9). Daarbenewens het hulle “juiste kennis van die waarheid” nodig om ander doeltreffend te kan onderrig (1 Tim. 2:4). Deur twee boeke met ons studente te voltooi, help ons hulle om met standvastigheid te wandel op “die pad wat na die lewe lei”.—Matt. 7:14.

Voordat die ouer manne goedkeuring gee dat iemand gedoop word, moet hulle seker maak dat hy die grondleerstellings van die Bybel goed verstaan en in ooreenstemming daarmee lewe. Ouer manne moet baie versigtig wees wanneer hulle oorweeg of ’n student wat nog nie die eerste studieboek voltooi het nie, gedoop kan word. Indien iemand nie gereed is om gedoop te word nie, sal die ouer manne seker maak dat hy die nodige persoonlike hulp ontvang sodat hy aan die vereistes kan voldoen om in die toekoms gedoop te word.—Sien Georganiseer om Jehovah se wil te doen, bladsye 217-218.

[Lokteks op bladsy 2]

Dit is belangrik dat nuwelinge ’n goeie grondslag in die waarheid het