Kies gepaste gesprekspunte
1 Hoe kan ons mense aanmoedig om Die Wagtoring en die Ontwaak! gereeld te lees? Ons moet interessante gedagtes hê om oor te gesels wanneer ons die tydskrifte vir ander aanbied. As ons goed bekend geraak het met die mense in ons gebied en hulle in gedagte hou wanneer ons die tydskrifte lees, kan ons oplet na gesprekspunte wat hulle belangstelling sal wek.
2 In sommige gebiede het mense dalk dieselfde agtergrond, en dit maak dit baie maklik om iets te kies waarin almal sal belangstel. Maar in ander gebiede kom ons dalk mense uit talle verskillende agtergronde teë. As ons verskeie gesprekspunte in gedagte het, kan ons een kies wat die beste sal pas by elkeen wat ons teëkom.
3 Moenie te gou ontslae raak van die ouer nommers van die tydskrifte wanneer julle die jonger tydskrifte ontvang nie. Een broer wys gewoonlik vir ’n huisbewoner drie of vier nommers van Die Wagtoring en laat die huisbewoner kies watter hy wil lees. As ons vind dat ons meer tydskrifte ontvang as wat ons kan versprei, moet ons dit oorweeg om ons bestelling te verminder.
4 Deur altyd gepaste gesprekspunte te gebruik, kan ons ander aanspoor om ons tydskrifte te lees en sulke mense dalk help om op die pad na die lewe te begin wandel (Matt. 7:14). Jehovah sal ons beslis seën as ons ernstig aandag skenk aan hierdie belangrike saak.