Les 5

Wat is God se voorneme met die aarde?

Waarom het Jehovah die aarde geskep? (1, 2)

Waarom is die aarde nie nou ’n paradys nie? (3)

Wat sal met goddelose mense gebeur? (4)

Wat sal Jesus in die toekoms doen vir die siekes? die bejaardes? die dooies? (5, 6)

Wat moet jy doen om die toekomstige seëninge te geniet? (7)

1. Jehovah het hierdie aarde geskep sodat mense dit kon geniet om vir ewig daarop te woon. Hy wou hê dat die aarde altyd deur regverdige, gelukkige mense bewoon moet word (Psalm 115:16; Jesaja 45:18). Die aarde sal nooit vernietig word nie; dit sal vir ewig bestaan.—Psalm 104:5; Prediker 1:4.

2. Voordat God die mens gemaak het, het Hy een klein deeltjie van die aarde gekies en dit in ’n pragtige paradys omskep. Hy het dit die tuin van Eden genoem. Dit was hier waar hy die eerste man en vrou, Adam en Eva, gesit het. God se voorneme was dat hulle kinders moes hê en die hele aarde vul. Hulle sou die hele aarde geleidelik in ’n paradys omskep.—Genesis 1:28; 2:8, 15.

3. Adam en Eva het gesondig deur opsetlik God se wet te oortree. Jehovah het hulle dus uit die tuin van Eden weggestuur. Die Paradys was verlore (Genesis 3:1-6, 23). Maar Jehovah het nie sy voorneme met hierdie aarde vergeet nie. Hy belowe om dit in ’n paradys te omskep, waar mense vir ewig sal lewe. Hoe gaan hy dit doen?—Psalm 37:29.

4. Voordat hierdie aarde ’n paradys kan word, moet goddelose mense verwyder word (Psalm 37:38). Dit sal gebeur tydens Armageddon, wat God se oorlog is om goddeloosheid te beëindig. Daarna sal Satan 1 000 jaar lank opgesluit word. Dit beteken dat geen goddeloses sal oorbly om die aarde te bederf nie. Net God se volk sal behoue bly.—Openbaring 16:14, 16; 20:1-3.

5. Dan sal Jesus Christus 1 000 jaar lank as Koning oor hierdie aarde heers (Openbaring 20:6). Hy sal sonde geleidelik uit ons verstand en liggaam wegneem. Ons sal volmaakte mense word net soos Adam en Eva was voordat hulle gesondig het. Dan sal daar nie meer siekte, ouderdom en dood wees nie. Siek mense sal genees word, en ou mense sal weer jonk word.—Job 33:25; Jesaja 33:24; Openbaring 21:3, 4.

6. Gedurende Jesus se Duisendjarige Heerskappy sal getroue mense werk om die hele aarde in ’n paradys te omskep (Lukas 23:43). Miljoene dooies sal ook opgewek word tot menslike lewe op die aarde (Handelinge 24:15). As hulle doen wat God van hulle vereis, sal hulle vir ewig op die aarde bly lewe. Indien nie, sal hulle vir ewig vernietig word.—Johannes 5:28, 29; Openbaring 20:11-15.

7. God se oorspronklike voorneme met die aarde sal sodoende verwesenlik word. Sal jy graag hierdie toekomstige seëninge wil geniet? Indien wel, moet jy voortgaan om aangaande Jehovah te leer en sy vereistes te gehoorsaam. Die bywoning van vergaderinge by die plaaslike Koninkryksaal van Jehovah se Getuies sal jou help om dit te doen.—Jesaja 11:9; Hebreërs 10:24, 25.

[Prent op bladsy 10]

Die verlore Paradys

[Prente op bladsy 11]

Ná Armageddon sal die aarde weer in ’n paradys omskep word