Vergroot jou vreugde gedurende hierdie Gedenkmaalseisoen!
1. Wat is een manier waarop ons ons vreugde gedurende hierdie Gedenkmaalseisoen kan vergroot?
1 Wil jy graag jou vreugde gedurende Maart, April en Mei vergroot? Een manier om dit te doen, is om jou bediening uit te brei en, indien moontlik, hulppionierdiens te doen. Hoe sal dit jou vreugde vergroot?
2. Hoe sal dit ons vreugde vergroot as ons ons bediening uitbrei?
2 Vergroot jou vreugde: Jehovah het ons geskep met die vermoë om die vreugde en bevrediging te ondervind wat dit meebring om hom te aanbid terwyl ons ons ingebore geestelike behoefte bevredig (Matt. 5:3). Hy het ons ook so gemaak dat ons geluk kan ondervind wanneer ons aan ander gee (Hand. 20:35). Die bediening stel ons in staat om albei te doen—om God te aanbid en om ander te help. Dit is dus logies dat ’n groter aandeel aan die bediening tot selfs groter vreugde sal lei. Wat meer is, hoe meer ons preek, hoe vaardiger kan ons word. Namate ons vaardiger word, bou ons ons selfvertroue op en word ons minder senuweeagtig. Ons sal meer geleenthede hê om ’n getuienis te lewer en Bybelstudies te begin. Dit alles sal maak dat ons die bediening meer geniet.
3. Waarom sal veral Maart en April goeie maande wees om hulppionierdiens te doen?
3 Veral Maart en April sal goeie maande wees om hulppionierdiens te doen, aangesien ons kan kies of ons 30 of 50 uur wil doen. Daarbenewens sal ons vanaf Saterdag 22 Maart tot die Gedenkmaal op Maandag 14 April aan ’n kampanje deelneem om ander te nooi om die Gedenkmaal by te woon. Daar sal ’n gees van opgewondenheid in die gemeentes heers, aangesien baie “skouer aan skouer” sal werk om soveel as moontlik van die gebied in die toegewese tyd te dek.—Sef. 3:9.
4. Wat moet ons doen as ons hulppionierdiens wil doen?
4 Berei nou voor: As jy dit nog nie gedoen het nie, kan jy nou tyd neem om jou program in oënskou te neem en te kyk watter aanpassings jy kan maak om jou bediening gedurende een of meer maande uit te brei. Maak dit ’n saak van gebed (Jak. 1:5). Praat met jou gesin en ander in die gemeente daaroor (Spr. 15:22). Al het jy dalk gesondheidsprobleme of ’n vol werksprogram, sal jy moontlik vind dat jy ook die vreugde kan ondervind wat dit meebring om hulppionierdiens te doen.
5. Wat sal die gevolg wees as ons ons bediening gedurende hierdie Gedenkmaalseisoen uitbrei?
5 Jehovah wil hê dat sy knegte vreugdevol moet wees (Ps. 32:11). As ons ons inspan om ons bediening gedurende hierdie Gedenkmaalseisoen uit te brei, sal dit nie net ons vreugde vergroot nie, maar sal dit ook aan ons hemelse Vader vreugde verskaf.—Spr. 23:24; 27:11.