God se wonderbare werke

1. O God, u ken my sit en opstaan;

my gaan en lê dié het u afgemeet.

U ondersoek my, ken al my gedagtes;

als wat ek sê, als wat ek doen,

is wat u weet.

Dit was ook nie vir u verborge

toe ek gevorm is in die moederskoot.

U oë het selfs my embrio besigtig.

Ek loof die wonder van u weë,

u krag so groot.

U kennis, God, is groot en vreesinboes’mend;

dit weet my siel nog altyd alte goed.

Selfs as die duisternis my sou oorrompel,

u gees, o God, sal my selfs daar behoed.

Waar kan ek van u skuil, Jehovah?

Waar kan ek vlug, weg van u aangesig?

Nie na die hemel, nie eens diep in Sjeool,

want selfs die duisternis vir u is soos die lig.