Koninkrykstandaarde​—God se regverdigheid word gesoek

JY WAAI vir jou buurman terwyl jy verbystap. Jy het die afgelope ruk agtergekom dat hy jou en jou gesin dophou. Hy waai terug en wink jou dan nader. Hy sê: “Ek wil jou graag ’n vraag vra. Wat maak julle so anders?” “Wat bedoel jy?” vra jy. “Wel”, sê hy, “julle is mos Jehovah se Getuies, nè? Julle is nie soos ander mense nie. Julle is anders as die ander godsdienste—julle vier nie die vakansiedae nie, en julle raak nie betrokke by die politiek en oorloë nie. Nie een van julle rook nie. En dit lyk asof jou gesin hoë sedelike standaarde het. Waarom is julle in soveel opsigte so anders?”

Jy weet dat die antwoord op een ding neerkom: Ons lewe onder die heerskappy van God se Koninkryk. As Koning is Jesus altyd besig om ons te louter. Hy help ons om in sy voetstappe te wandel en sodoende in hierdie goddelose wêreld opvallend anders te wees. In hierdie deel sal ons sien hoe die Messiaanse Koninkryk God se volk op geestelike, sedelike en organisatoriese gebied gelouter het—alles tot heerlikheid van Jehovah.