STUDIE 4

Tekste behoorlik ingelei

Matteus 22:41-45

WAT JY MOET DOEN: Voordat jy ’n teks lees, moet jy diegene wat na jou luister verstandelik voorberei.

Dink na oor hoekom jy die teks lees. Lei elke teks op so ’n manier in dat dit die aandag vestig op die hoofpunt wat jy wil beklemtoon.

Kyk na die konteks. Wanneer jy iemand se woorde aanhaal of sê wie die Bybelboek geskryf het, moet jy seker maak dat jy na die regte persoon of Bybelskrywer verwys.
Erken die Bybel as die hoogste gesag. Wanneer jy met mense praat wat in God glo, moet jy na die Bybel verwys as God se Woord. Op hierdie manier wys jy dat die Bybel die beste bron van wysheid is.
Help persone om in die teks belang te stel. Vra ’n vraag wat in die teks beantwoord sal word of noem ’n probleem en wys hoe die oplossing in die teks gevind kan word. Jy kan ook ’n beginsel noem en na ’n Bybelverslag verwys wat die beginsel verduidelik.

Dink aan wat jou gehoor alreeds oor die onderwerp en die teks weet. Jy kan selfs ’n teks wat mense goed ken op ’n interessante manier inlei en jou gehoor help om met nuwe oë daarna te kyk.