LES 25
Wat het God in gedagte vir ons?
Die Bybel sê dat mense se lewens “kort en vol probleme” is (Job 14:1). Is dit regtig die lewe wat God vir ons wil hê? As hy nie hierdie soort lewe vir ons wil hê nie, watter soort lewe wil hy dan vir ons hê? Sal ons ooit daardie lewe hê? Kyk na die Bybel se vertroostende antwoorde.
1. Watter soort lewe wil Jehovah vir ons hê?
Jehovah wil hê dat ons die beste lewe moontlik moet hê. Toe hy die eerste mense, Adam en Eva, gemaak het, het hy hulle in ’n pragtige paradys, die tuin van Eden, gesit. Toe het “God hulle geseën, en God het vir hulle gesê: ‘Wees vrugbaar en word baie, vul die aarde en bewerk dit’” (Genesis 1:28). Jehovah wou hê dat hulle kinders moes hê, die hele aarde ’n paradys moes maak en vir die diere moes sorg. Hy wou hê dat alle mense perfekte gesondheid moes hê en vir ewig moes lewe.
Al het dinge nie so uitgewerk nie,a wil God nog steeds daardie lewe vir ons hê (Jesaja 46:10, 11). Hy wil nog steeds hê dat gehoorsame mense vir ewig in perfekte toestande moet lewe. – Lees Openbaring 21:3, 4.
2. Hoe kan ons nou ’n gelukkige lewe geniet?
Ons “[het] God nodig”, want dis hoe hy ons gemaak het. Daarom het ons ’n begeerte om Jehovah te ken en hom te aanbid. (Lees Matteus 5:3-6.) Hy wil hê dat ons ’n sterk vriendskap met hom moet hê, “al sy weë [moet] volg, . . . hom lief [moet] hê” en hom “met [ons] hele hart” moet dien (Deuteronomium 10:12; Psalm 25:14). Wanneer ons dit doen, kan ons regtig gelukkig wees, al het ons probleme. Wanneer ons Jehovah aanbid, maak dit ons gelukkig omdat ons op die manier lewe waarop Jehovah wil hê ons moet lewe.
SOEK DIEPER
Leer oor die groot liefde wat Jehovah gewys het toe hy die aarde vir ons voorberei het en wat sy Woord sê oor die doel van die lewe.
3. Jehovah wil hê dat mense ’n wonderlike lewe moet hê
Speel die VIDEO, en bespreek dan die volgende vraag.
Hoekom het God ons pragtige planeet gemaak?
Lees Prediker 3:11, en bespreek dan hierdie vraag:
Wat leer dit jou oor Jehovah?
4. Jehovah het nie van gedagte verander nie
Lees Psalm 37:11, 29 en Jesaja 55:11, en bespreek dan hierdie vraag:
Hoe weet ons dat Jehovah nog steeds daardie wonderlike lewe vir ons in gedagte het?
’n Huis wat verwaarloos is, kan herstel word. Net so sal God die aarde, wat mense oor die algemeen verwaarloos het, herstel vir dié wat lief is vir hom
5. Wanneer ons Jehovah aanbid, gee dit ons ’n gelukkige lewe
As ons weet wat die doel van die lewe is, kan dit ons gelukkig maak. Speel die VIDEO, en bespreek dan die volgende vraag.
Hoe het dit Terumi gehelp toe sy geleer het wat die doel van die lewe is?
Lees Prediker 12:13, en bespreek dan hierdie vraag:
Omdat Jehovah so baie vir ons gedoen het, wat moet ons doen om te wys dat ons dankbaar is?
IEMAND VRA DALK: “Wat is die doel van die lewe?”
Wat sal jy sê?
WAT ONS GELEER HET
Jehovah wil hê dat ons die lewe vir ewig op die aarde in perfekte toestande moet geniet. Wanneer ons hom met ons hele hart dien, kan ons ’n gelukkige lewe geniet – selfs nou.
Hersiening
Wat het Jehovah oorspronklik vir Adam en Eva in gedagte gehad?
Hoe weet ons dat God nog steeds ’n wonderlike lewe vir mense in gedagte het?
Hoe kan jy ’n gelukkige lewe hê waarmee jy regtig tevrede is?
LEER MEER
Leer hoekom ons seker kan wees dat die tuin van Eden regtig bestaan het.
“Die tuin van Eden—’n Mite of ’n feit?” (Die Wagtoring, 1 Januarie 2011)
Kyk hoekom ons seker kan wees dat die aarde vir ewig sal bestaan.
Leer wat die Bybel sê oor hoe om ’n gelukkige lewe te vind.
Kyk hoe ’n man wat gedink het dat hy alles het, uitgevind het wat hy nodig het in sy lewe.
a In die volgende les sal jy leer wat fout gegaan het.