ƐNTƐNƐTI JI WEMADADOXU Watchtower Tɔ
Watchtower
ƐNTƐNƐTI JI WEMADADOXU
Aja
À
  • À
  • à
  • Á
  • á
  • É
  • é
  • È
  • è
  • Ɛ
  • ɛ
  • Ɖ
  • ɖ
  • Ó
  • ó
  • Ò
  • ò
  • Ú
  • ú
  • Ù
  • ù
  • Í
  • í
  • Ì
  • ì
  • Ɔ́
  • ɔ́
  • Ɔ̀
  • ɔ̀
  • Ɔ̌
  • Ӡ
  • ӡ
  • BIBLA
  • WEMAWO
  • BƆBƆWO
  • w25 mai kpashi. 20-25
  • Enu Ci yí Taɖo Yehowa Ŋkɔ le Veviɖe nɔ Yesu

Video ɖe deli nɔ ecɛ ci èsɔ o.

Mìɖe kuku, kɔpi nɔ video lɔ do go cukaɖa ɖeka.

  • Enu Ci yí Taɖo Yehowa Ŋkɔ le Veviɖe nɔ Yesu
  • Jutakpɔxɔ le Yehowa Fyɔɖuxu lɔ drakɔ (Enukplakpla)—2025
  • Enyɔta hwɛhwɛwo
  • Enyɔ lɔ hanwo
  • “ŊNA YÍ WOJESHI AO ŊKƆ”
  • “AO ŊKƆ CI ÈSƆ NAŊ”
  • “EDA, KANFU AO ŊKƆ”
  • “ŊSƆ ANYI GBE NA”
  • “[ŊÐEGBƆ] NƆ EDƆ CI ÈDƆŊ MƆ NYƐ LE WA”
  • Yehowa Ŋkɔ Ðo Ale Veviɖe Nɔ Mì
    Jutakpɔxɔ le Yehowa Fyɔɖuxu lɔ drakɔ (Enukplakpla)—2025
  • “Kanfu Yehowa Ŋkɔ”
    Jutakpɔxɔ le Yehowa Fyɔɖuxu lɔ drakɔ (Enukplakpla)—2024
  • Nyi Tafɛn lɔ Kpla Mìɔ?
    Jutakpɔxɔ le Yehowa Fyɔɖuxu lɔ drakɔ (Enukplakpla)—2025
  • ‘Mísɔ Mɛ Ci Míasɛn’
    Jutakpɔxɔ le Yehowa Fyɔɖuxu lɔ drakɔ (Enukplakpla)—2025
Kpɔ nubuwo
Jutakpɔxɔ le Yehowa Fyɔɖuxu lɔ drakɔ (Enukplakpla)—2025
w25 mai kpashi. 20-25

ENUKPLAKPLA NYƆTA 22

EHAJIJI 15 Kanfu Yehowa Vi Ŋkɔtɔ

Enu Ci yí Taɖo Yehowa Ŋkɔ le Veviɖe nɔ Yesu

“Ŋna yí wojeshi ao ŋkɔ yí nana woagbejeshi doji.”—ƷAN 17:​26, nwt.

SUSU VEVI LƆ

Mìakpɔ lé Yesu na yí wojeshi Yehowa ŋkɔ do, lé ena yí yi ŋkɔ le mɛmiɖe do yí gbehwlɛn ta ni do.

1-2. (a) Nyi Yesu wa le ezan ci yí do ŋkɔ nɔ hwenu woawui mɛɔ? (b) Nyɔbiɔse ciwo mìakpɔ ɖoŋci nɔ le nyɔta cɛ mɛɔ?

MÌLE Labishigbe zanmɛ, Nisan 14, exwe 33 K.H. Wojikɔ asa Yesu ado ehwɛ yi aso eku kojo ni, ado gbazavisese ni yí awui. Yinɛ yí eɖu ŋɖuɖu vevi ɖeka koɖo apotru yitɔ egbejinɔtɔwo le shanŋ ɖeka ji yɛ nɛ. Le ŋɖuɖu cɛ goduɔ, Yesu na ŋsɛndoamunyɔ kpɛtɛkpɛtɛtɔ ɖewo apotru yitɔwo. Ci ekpɔtɔ hwɛɖeka gbɔxwe wo pleŋ aso le shanŋ lɔ jiɔ, Yesu nɔ te keŋ wa gbedoɖa vevi ɖeka. Apotru Ʒan xo nuxu so gbedoɖa cɛ nu yí mìatɛnŋ akpɔɛ le Ʒan eta 17 mɛ.

2 Nyi Yesu gbedoɖa lɔ dasɛ so enu ci yí xɛkɔ le gahunnɔtɔ́ mɛ nuɔ? Lé gbedoɖa ŋtɔ́ dasɛ enu ci yí le veviɖe ni hwenu yí ewa kunuɖeɖedɔ le nyigban jiɔ? Mína mìakpɔ ɖoŋci nɔ nyɔbiɔse cɛwo.

“ŊNA YÍ WOJESHI AO ŊKƆ”

3. Enyɔ ci Yesu nu so Yehowa ŋkɔ nuɔ, yí enyɔ ci ejikɔ anu teŋ ɔ? (Ʒan 17:​6, 26)

3 Yesu nu le gbedoɖa yitɔ lɔ mɛ mɔ: “Ŋna yí wojeshi ao ŋkɔ.” Le nyɔnɔnwi mɛɔ, zeve yí enu mɔ yena yí ye nukplaviwo jeshi Yehowa ŋkɔ. (Hlɛn Ʒan 17:​6, 26.) Enyɔ cɛ gɔnmɛ ɖe? Da edadasɛ ŋkɔ ci wodejeshi ɖɛ sa nɔ wo yɔa? Yesu nukplaviwo nyi Ʒuifuwo, eyi taɖo wojeshi Mawu ŋkɔ Yehowa ɖɛ vɔ. Ŋkɔ cɛ ze kotokun nɛniɖe le Ebretɔwo Nuŋwlɛŋwlɛwo mɛ. Eyi taɖo Yesu dexokɔ nuxu so Mawu ŋkɔ ŋtɔ nu kpoŋ o, ewaɖeɔ, éhɛnkɔ susu yi mɛ ciŋmɛ teŋ Yehowa Mawu nyi ji. Ékpedo yi nukplaviwo nu wojeshi Yehowa ɖɛ nywiɖe, enu ci edrɔdrɔ nɔ nyigban lɔ koɖo agbetɔwo, enu ci ewa vayi koɖo enu ci avawa le esɔ mɛ koɖo yi nɔnɔmɛ nywiwo can le mɛ. Mɛɖe deli yí jeshi Yehowa ɖɛ nywiɖe shigbe Yesu nɛ o.

4-5. (a) Kpɔwɛ ci mìatɛnŋ asɔ dre lé mɛɖe ŋkɔ vanɔnɔ veviɖe nɔ mì sɔwu doɔ? (b) Emɔ ci nu yí Yesu nukplaviwo vajeshi Yehowa ŋkɔ nywiɖe doji leɔ?

4 Mìasɔ kpɔwɛ ɖeka. Sɔɛ mɔ ao hamɛmɛshinshin ɖeka ci yí tɔ mɔ David nyi doto. Èjeshi nɔviŋsu ŋtɔ́ na nɔ exwe sugbɔ. Vɔ gbeɖekaɔ, èble yí eʒan mɔ doto ɖe ada edɔ nɔ eo. Èshi ju yí yi dotoxwe fini yí nɔviŋsu lɔ wanɔ edɔ le, yí ezan dɔ̀damɔnuwo ciwo ejeshi ɖɛ keŋ yí sɔ hwlɛn ao gbe gan. Ecɛyɛɔ, lɔnlɔn ci èɖo nɔ nɔviŋsu lɔ agbesɛnŋ doji sɔwu sa. Yí nɔ èse yi ŋkɔ le fiɖeɔ, ao susu ayi enu ci ewa nɔ eo vayi ji. David denyi hamɛmɛshinshin kpoŋ ci èjeshi ɖɛ sa o, égbenyi doto ci yí hwlɛn ao gbe gan.

5 Le emɔ ɖeka lɔ ke jiɔ, Yesu nukplaviwo jeshi Yehowa ŋkɔ ɖɛ vɔ. Vɔ ŋkɔ ŋtɔ́ ɖo avale veviɖe nɔ wo sɔwu sa, ɖo Yesu kpedo wo nu wovajeshi Yehowa ɖɛ nywiɖe doji. Nyi yí taɖo mìatɛnŋ anu ahan ɔ? Ðo Yesu sran Edalɔ nɔnɔmɛ pɛpɛpɛ le enyɔ ɖekpokpui ci enunɔ koɖo enuɖekpokpui ci ewanɔ mɛ. Eyi taɖo ci apotru Yesu tɔwo ɖonɔ to lé ekplanɔ nu amɛwo do yí gbekpɔ lé ewanɔ nu do amɛwo nu doɔ, ena yí ‘wovajeshi’ Yehowa ɖɛ nywiɖe doji.—Ʒan 14:9; 17:3.

“AO ŊKƆ CI ÈSƆ NAŊ”

6. Ci Yesu nu mɔ Yehowa sɔ yi ŋkɔ na ye ɖe, nyɔ ci nukɔ eleɔ? (Ʒan 17:​11, 12)

6 Le gbedoɖa Yesu tɔ mɛɔ, édo gbe ɖaɖa dota nɔ yi nukplaviwo yí nu mɔ: “Kpɔ do ao ŋkɔ ci èsɔ naŋ nu yí acɔn alɔ̀ wo ji.” (Hlɛn Ʒan 17:​11, 12.) Ecɛ dasɛ mɔ woavatɔ Yesu yɔyɔ yɛ mɔ Yehowaa? Oo. Dojeshi mɔ hwenu yí Yesu xokɔ nuxu so Yehowa ŋkɔ nuɔ, énu mɔ “ao ŋkɔ.” Eyi taɖo Yehowa ŋkɔ devatrɔ Yesu ŋkɔ o. Vɔ nyɔ ci Yesu jikɔ anu ci enu mɔ wosɔ Mawu ŋkɔ lɔ na yeɔ? Doŋkɔɔ, Yesu nɔnɔ dumɛ nɔ Yehowa yí gbenyi yi gbetanatɔ. Éva le Edalɔ ŋkɔ mɛ yí gbewa ŋsɛndɔwo le ŋkɔ ŋtɔ́ lɔ mɛ. (Ʒan 5:43; 10:25) Gbesɔ kpe niɔ, Yesu ŋkɔ gɔnmɛ yí nyi “Yehowa yí Nyi Hwlɛngantɔ.” Eyi taɖo ekacaca le gɔnmɛsese ci yí le Yesu ŋkɔ koɖo Yehowa ŋkɔ mɛ.

7. Dre lé Yesu atɛnŋ axo nuxu le Yehowa ŋkɔ mɛ dru do.

7 Kpɔwɛ ɖeka ke: Ci eju ɖe fɔsɔɖotetɔ nɔnɔ dumɛ nɔ eju lɔ cɛkpatɔɔ, átɛnŋ axo nuxu le acɛkpatɔ lɔ ŋkɔ mɛ. Eyi taɖo afɔsɔɖotetɔ lɔ nyɔwo atɛnŋ aɖo kpɛnkpɛnmɛ ɖekɛ koɖo acɛkpatɔ lɔ tɔwo. Ahanke, Yesu le dumɛ nɔ Yehowa yí xo nuxu nɔ amɛwo le Yi ŋkɔ mɛ nɛ.—Mt. 21:9; Luiki 13:35.

8. Lé Yehowa ŋkɔ “le” Yesu nu keŋ gbɔxwe evava nyigban ji doɔ? (Hunhun 23:​20, 21)

8 Ci Yesu nyi Enyɔ lɔɔ, éwanɔ edɔ nɔ Yehowa shigbe gbetanatɔ nɛ yí nunɔ Mawu gbetasɔsɔwo koɖo yi mɔdasɛnamɛwo nɔ dɔdɔlawo koɖo agbetɔwo. (Ʒan 1:​1-3) Kankandoji li mɔ Yesu yí nyi mawudɔla ci Yehowa dɔ ɖaɖa yí ele bu nɔ Izraɛliviwo le zogbeji. Hwenu yí Yehowa nukɔ nɔ Izraɛliviwo mɔ wo le ɖo to mawudɔla ŋtɔ́ɔ, énu mɔ: “Ðo anyi ŋkɔ le nu.”a (Hlɛn Hunhun 23:​20, 21.) Yehowa mɔ ye ŋkɔ “le” Yesu nu ɖo Yesu yí nyi amɛvevitɔ ci yí dasɛ mɔ enuɖekpokpui ci Yehowa wanɔ nyi enunywi yí gbena yí Edalɔ ŋkɔ mɛ́.

“EDA, KANFU AO ŊKƆ”

9. Lé Yehowa ŋkɔ le veviɖe nɔ Yesu doɔ? Ðe mɛ.

9 Shigbe lé mìkan seŋ so nu yɛ nɛɔ, keŋ gbɔxwe Yesu ava nyigban ji ŋtɔkpu can ɔ, Yehowa ŋkɔ le veviɖe ni sugbɔ sɔwu enuɖekpokpui. Eyi taɖo dekpaca mì mɔ Yehowa ŋkɔ ca eka koɖo enuɖekpokpui ci Yesu wa hwenu ele nyigban ji o! Le vɔvɔnu nɔ yi kunuɖeɖedɔ lɔɔ, Yesu biɔ Yehowa mɔ: “Eda, kanfu ao ŋkɔ.” Eyi zeɖeka kakaɔ, Edalɔ ɖoŋci ni koɖo egbe gangan ɖeka so jeŋkwi mɛ mɔ: “Ŋkanfui yí nagbekanfui ke.”—Ʒan 12:​28, nwt.

10-11. (a) Lé Yesu kanfu Yehowa ŋkɔ doɔ? (Kpɔ foto lɔ hɛnnɛ.) (b) Nyi yí taɖo woɖo ana yí Yehowa ŋkɔ anɔ mɛmiɖe yí agbehwlɛn ta niɔ?

10 Yesu can kanfu Edalɔ ŋkɔ. Lé ewɛ doɔ? Enuɖeka ci mɛ ewɛ le yí nyi mɔ édasɛ Edalɔ nɔnɔmɛ nywiwo koɖo enuwana yitɔwo nɔ mɛbuwo. Vɔ égbewa nu wu ahan yí sɔ kanfu Dalɔ ŋkɔ. Woɖo ana yí Yehowa ŋkɔ anɔ mɛmiɖe yí ahwlɛn ta nɔ yi ŋkɔ kɔkɔɛ lɔ.b Yesu dasɛ lé ecɛ le veviɖe ni do hwecinu ekpla kpɔwɛ gbedoɖa yi dokplɔtɔwo. Énu mɔ: “Mìwo Da ci yí le jeŋkwi mɛ, ao ŋkɔ le mɛ́.”—Mt. 6:​9, nwt.

11 Nyi yí taɖo woɖo awɛ nɔ Yehowa ŋkɔ anɔ mɛmiɖe yí agbehwlɛn ta niɔ? Ðo nɔ mìtrɔ yí yi Edɛni kpa lɔ mɛɔ, Satana Legba kanŋsu yí gbexoɖyi Yehowa Mawu. Satana nunuɔ mɔ Yehowa nyi ŋsukantɔ yí Egbeteteɛ enunywiwo Adamu koɖo Ɛva. (Gɔnm. 3:​1-5) Satana gbenunuɔ mɔ lé Yehowa wanɔ enuwo do desɔgbe o. Ci Satana kan ŋsu do nu nɔ Yehowa ahan ɔ, amɛwo tɛnŋ kpɔɛ mɔ amɛdɔndɔn yí Yehowa nyi. Le yiyimɛɔ, le Job hwenuɔ, Satana nunuɔ mɔ enunywi ciwo ɖekɛ yí amɛwo atɛnŋ akpɔ le Yehowa gbɔ yí dɔ taɖo yí wosinkɔ. Ŋsukankannyɔ cɛwo ciwo yí Satana gbenu dasɛ mɔ le yɛ gbɔɔ, agbetɔ ɖe dakpɔtɔ asɛnsɛn Yehowa yí aluin hwenu yí ele cukaɖawo mɛ o. (Job 1:​9-11; 2:4) Eʒan hwenu gbɔxwe yí woakpɔ mɛ ci yí nyi ŋsukantɔ le wo mɛ. Yehowa yɔa alo Satana?

Yesu xokɔ Tojinuxu lɔ le ŋkɔ nɔ amɛahwa sugbɔ.

Yesu kpla yi dokplɔtɔwo mɔ yɛle veviɖe mɔ woawɛ nɔ Mawu ŋkɔ amɛ́ (Kpɔ mamamɛ 10)


“ŊSƆ ANYI GBE NA”

12. Ci Yesu lɔn Yehowa ŋkɔ lɔ ɖe, nyi ele gbesɔsɔ yí waɔ?

12 Ci Yesu lɔn Yehowaɔ, éji mɔ yeawa enuɖekpokpui ci ji yeakpe yí awɛ yí yi ŋkɔ anɔ mɛmiɖe yí agbehwlɛn ta nɔ Yehowa ŋkɔ. Yesu nu mɔ: “Ŋsɔ anyi gbe na.” (Ʒan 10:​17, 18, nwt) Nyɔnɔnwi yɔ, Yesu le gbesɔsɔ yí aku do Yehowa ŋkɔ tamɛ.c Amɛmaɖonuvɔn amɛve ŋkɔtɔ Adamu koɖo Ɛva trɔ le ŋgbe nɔ Yehowa yí vakplɔ Satana do. Vɔ Yesu yɛ le gbesɔsɔ yí va nyigban ji yí dasɛ mɔ yelɔn Yehowa. Yesu wa ecɛ ci enɔ gbeji nɔ Yehowa le enuɖekpokpui ci ewa mɛ. (Ebre. 4:15; 5:​7-10) Ékpɔtɔ nɔ gbeji le yi gbe mɛ keke je yi kugbe yí wovakin do efuntrenamɛci nu. (Ebre. 12:2) Ci ewɛ ahan ɔ, édasɛ mɔ yelɔn Yehowa koɖo Yi ŋkɔ lɔ.

13. Nyi yí taɖo mìatɛnŋ anu mɔ Yesu yí nyi amɛnywitɔ ci yí dasɛ mɔ Satana nyi ŋsukantɔɔ? (Kpɔ foto lɔ hɛnnɛ.)

13 Lé Yesu nɔ agbe do le nyigban ji dasɛ mɔ Satana yí nyi ŋsukantɔ yí denyi Yehowa yɔ o! (Ʒan 8:44) Yesu jeshi Yehowa ɖɛ sɔwu mɛɖekpokpui ci yí nɔ agbe le nyigban cɛ ji. Nɔ enyi ɖeka kpetii le ehwɛ ciwo pleŋ Satana dodoɔ Yehowa nyi nyɔnɔnwi saɔ, Yesu anya nu so nu. Vɔ Yesu ɖui gligaan yí hwlɛn ta nɔ Yehowa ŋkɔ alo mɛ ciŋmɛ enyi. Ŋtɔkpu can ɔ, ci ewa nɔ Yesu shigbe mɔ Yehowa ŋlɔbi hannɛɔ, ele gbesɔsɔ yí ku sɔwu mɔ atrɔ le ŋgbe nɔ Edalɔ amɛlɔntɔ lɔ.—Mt. 27:46.d

Wokan Yesu do efuntrenamɛci ɖeka ji.

Enu ciwo pleŋ Yesu wa dasɛ mɔ Satana nyi ŋsukantɔ yí denyi Yehowa yɔ o! (Kpɔ mamamɛ 13)


“[ŊÐEGBƆ] NƆ EDƆ CI ÈDƆŊ MƆ NYƐ LE WA”

14. Lé Yehowa cushi do egbejinɔnɔ Yesu tɔ ji doɔ?

14 Le gbedoɖa ci Yesu wa le ezan ci yí doŋkɔ nɔ yi ku mɛɔ, étɛnŋ nu mɔ: “[Ŋɖegbɔ] nɔ edɔ ci èdɔŋ mɔ nyɛ le wa.” Ékando ji mɔ Yehowa acu shi do egbejinɔnɔ ye tɔye ji. (Ʒan 17:​4, 5 nwt) Yesu wɛ nywiɖe ci ekando Edalɔ ji keŋkeŋ. Yehowa detashi yí ekpɔtɔ nɔ yɔdu mɛ o. (Edɔ. 2:​23, 24) Éfɔn Yesu yí ni texwe gangan ɖeka le jeŋkwi mɛ. (Fili. 2:​8, 9) Le yiyimɛɔ, Yesu vatɔ acɛkpakpa yí vanyi Efyɔ nɔ Mawu Fyɔɖuxu lɔ. Nyi Fyɔɖuxu ŋtɔ́ avawaɔ? Akpaxwe amɛvetɔ nɔ kpɔwɛ gbedoɖa lɔ nui nɔ mì. Énu mɔ: “Ao Fyɔɖuxu le va. [Yehowa] dro le nyi wawa le nyigban ji shigbe lé enyi wawa le jeŋkwi mɛ nɛ.”—Mt. 6:​10, nwt.

15. Nubu ci Yesu avawaɔ?

15 Le majinjinɖe mɛ yɛɔ, Yesu awa ahwa koɖo Mawu ketɔnɔwo yí agu amɛvɔnwo le Armagedɔn hwenu. (Enyɔ. 16:​14, 16; 19:​11-16) Dajinjin o woasɔ Satana do “edumaɖosɛnxu” mɛ yí dagbeɖo ŋsɛn do mɛɖekpokpui ji o. (Enyɔ. 20:​1-3) Le Exwe Kotokun Ðeka Cɛkpakpa Yesu tɔ lɔ mɛɔ, átrɔ ahɛn fafa va agbetɔwo mɛ yí akpedo wo nu yí woavanyi amɛmaɖonuvɔnwo. Avafɔn amɛkukuwo. Ávana yí nyigban lɔ keŋkeŋ avatrɔ Paradiso. Yehowa dro avavamɛ keŋkeŋ!—Enyɔ. 21:​1-4.

16. Lé agbe lɔ ale do le Exwe Kotokun Ðeka Cɛkpakpa lɔ vɔvɔnuɔ?

16 Nyi mìatɛnŋ agbekpɔkpɔ emɔ nɔ le Exwe Kotokun Ðeka Cɛkpakpa lɔ vɔvɔnuɔ? Agbetɔwo nuvɔnwo koɖo amɛmakpemakpe ci mìnyi dagbeli o ayi xɔ. Dagbevaʒan mɔ agbetɔwo amɔ wo le sɔ yewo nuvɔn sɔ ke yewo toto vɔnsa lɔ ji o; ahanke wodagbevaʒan gblamɛnɔtɔ ɖe alo avɔnsatɔ ɖe nɛ. Gbesɔ kpe niɔ, “ketɔnɔ kpɛtɛkpɛtɛ ci wo ava gu cudo yí nyi eku, [ci Adamu hɛn va lɔ].” Yɔduwo aci totu. Woafɔn amɛkukuwo do agbe. Amɛshiamɛ le nyigban lɔ ji avatrɔ amɛkpekpewo.—1 Kor. 15:​25, 26.

17-18. (a) Nyi yí ajɔ le vɔvɔnu nɔ Exwe kotokun Ðeka Cɛkpakpa lɔɔ? (b) Nyi Yesu awa le yi cɛkpakpa lɔ vɔvɔnuɔ? (1 Korɛntitɔwo 15:​24, 28) (Kpɔ foto lɔ hɛnnɛ.)

17 Nubu ci yí ajɔ le Exwe Kotokun Ðeka Cɛkpakpa lɔ vɔvɔnuɔ? Le gahunnɔtɔ́ mɛɔ, enuvevi ɖeka ajɔ. Enyɔdɔndɔn ci yí li so Yehowa ŋkɔ ŋcikɔkɔ nu avɔ. Nyi yí taɖoɔ? Le Edɛni kpa lɔ mɛɔ, Satana mɔ Yehowa nyi ŋsukantɔ yí Dekpakpa acɛ do agbetɔwo ji koɖo lɔnlɔn o. So hwenɔnuɔ, mɛ ciwo yí sɛnkɔ Yehowa yí donɔ bubu yi nu danasɛ gbɛmɛgbɛmɛ mɔ yewokɔkɔ yi ŋkɔ ŋci. Eyi taɖo le vɔvɔnu nɔ Exwe kotokun ɖeka Cɛkpakpa lɔɔ, woahwlɛn ta nɔ Yehowa ŋkɔ alo mɛ ciŋmɛ enyi keŋkeŋ. Eyi Yehowa adavasɛ koɖo kankandoji keŋkeŋ mɔ yenyi Eda amɛlɔntɔ ci yí le jeŋkwi mɛ.

18 Le Exwe Kotokun Ðeka Cɛkpakpa lɔ vɔvɔnu goduɔ, amɛwo pleŋ avanya mɔ enyɔ ciwo pleŋ Satana nu do Yehowa nu nyi ŋsu. Nyi Yesu awa le yi cɛkpakpa lɔ vɔvɔnuɔ? Ákplɔ Satana do keŋ afɔn gu do Yehowa jia? Oo! (Hlɛn 1 Korɛntitɔwo 15:​24, 28.) Yesu asɔ Fyɔɖuxu lɔ sɔ do alɔ mɛ nɔ Edalɔ. Ábubɔ do gɔnmɛ nɔ Yehowa cɛkpakpa. Yesu yɛ to akpo nɔ Satana, ále gbesɔsɔ atashi ŋɖekpokpui ɖo élɔn Yehowa.

Yesu le jeŋkwi mɛ yí sɔkɔ efyɔkuku lɔ jo nɔ Yehowa.

Yesu le gbesɔsɔ asɔ Fyɔɖuxu lɔ do alɔ mɛ nɔ Yehowa le Exwe Kotokun Ðeka Cɛkpakpa lɔ vɔvɔnu (Kpɔ mamamɛ 18)


19. Lé Yehowa ŋkɔ le veviɖe nɔ Yesu doɔ?

19 Dekpaca mì mɔ Yehowa le gbesɔsɔ yí na Yi ŋkɔ Yesu o! Yesu nɔ dumɛ nɔ Yehowa yí dasɛ mɛ ciŋmɛ Edalɔ nyi pɛpɛpɛ. Eyi taɖo, nyi Yehowa ŋkɔ nyi nɔ Yesuɔ? Ele veviɖe ni sɔwu ŋɖekpokpui. Éle gbesɔsɔ yí aku do ŋkɔ ŋtɔ́ tamɛ, yí agbele gbesɔsɔ yí asɔ ŋɖekpokpui do alɔ mɛ nɔ Yehowa le Exwe Kotokun Ðeka Cɛkpakpa lɔ vɔvɔnu. Lé mìatɛnŋ asran Yesu kpɔwɛ doɔ? Mìakpɔ ɖoŋci nɔ nyɔbiɔse cɛ le nyɔta ci yí akplɔ ecɛ do mɛ.

LÉ ÀÐO ŊCI DOƆ?

  • Lé Yesu na yí yi nukplaviwo jeshi Yehowa ŋkɔ ɖɛ doɔ?

  • Enyɔ ci Yesu jikɔ anu ci emɔ wosɔ Yehowa ŋkɔ sɔ na yeɔ?

  • Nyi Yesu le gbesɔsɔ awa nɔ Yehowa ŋkɔ lɔɔ, yí nyi yí taɖoɔ?

EHAJIJI 16 Kanfu Yehowa nɔ Eviɛ ci Eshi Ami nɔ

a Hweɖewonu vayiɔ, mawudɔlawo can nɔ dumɛ nɔ Yehowa nɔ wojikɔ avayi do yi ŋɛ nɔ amɛwo. Ecɛ yí dɔ yí hweɖewonuɔ, mìkpɔnɔ le Bibla mɛ yí mawudɔlawo xo nuxu nɔ amɛwo yí ele shigbe mɔ Yehowa yí xokɔ nuxu nɔ wo nɛ. (Gɔnm. 18:​1-33) Ci Enuŋwlɛŋwlɛ lɔwo nu mɔ Moizi xɔ Ese amɛwó lɔwo so Yehowa gbɔ can ɔ, kpukpui buwo nu mɔ Yehowa zan mawudɔlawo yí wona Ese lɔwo le Yi ŋkɔ mɛ.—1 Ese. 27:34; Edɔ. 7:​38, 53; Gal. 3:19; Ebre. 2:​2-4.

b ENYƆGBEWO GƆNMƐÐEÐE: Woawɛ nɔ Mawu ŋkɔ “amɛ́” gɔnmɛ yí nyi woakpɔɛni mɔ yɛnyi ŋkɔ mɛmi yí abuini. “Etahwlɛnhwlɛn nɔ amɛ” gɔnmɛ yí nyi woadasɛ mɔ enyɔ ciwo pleŋ ci wonu do mɛɖe nu nyi ŋsu yí adasɛ mɔ woxodyi amɛ lɔ ŋkɔ yí agbedasɛ hɛnnɛ mɔ yɛdenya ɖe le ehwɛdoamɛ nyɔ lɔwo mɛ o.

c Yesu ku lɔ can gbehun emɔ ɖɛ nɔ agbetɔwo mɔ woakpɔ agbe mavɔ.

d Kpɔ “Enyɔbiɔse Ciwo yí so yi Hlɛntɔwo Gbɔ” le Jutakpɔxɔ, avril 2021, kp. 30-31.

    Wema ciwo yí le Ajagbe mɛ (2015-2025)
    To le mɛ
    Ðo mɛ
    • Aja
    • Miin
    • Cancanwo
    • Copyright © 2025 Watch Tower Bible and Tract Society of Pennsylvania
    • Yizanzan sewo
    • Amɛ ŋtɔ nyɔtakankan totowo
    • Paramètres de confidentialité
    • JW.ORG
    • Ðo mɛ
    Miin