LEKSYON 19
Sin-o ro Masaligan ag Maaeam nga Sueoguon?
Nakabenipisyo kita tanan sa atong espiritwal nga pagkaon
Bago namatay si Jesus, kaibahan nana ro anang mga disipulo—sanday Pedro, Santiago, Juan, ag Andres. Ginsugid ni Jesus ro mga tanda nga matabo sa katapusan nga adlaw paagi sa pagpangutana: “Sin-o ro masaligan ag maaeam nga sueoguon? Imaw ruyon ro gintugyanan it anang agaeon sa pagdumaea it iba nga mga sueoguon, ag sa pagtao kanda it andang pagkaon sa insakto nga oras.” (Mateo 24:3, 45; Marcos 13:3, 4) Ginpasalig ni Jesus ro anang disipulo nga bilang andang “agaeon,” may ginpili imaw nga gadumaea agud magtao it espiritwal nga pagkaon sa insakto nga oras para sa anang mga sumueonod sa katapusan nga adlaw. Sin-o rayang mga sueoguon?
Maisot nga grupo it hinaplas nga sumueonod ni Jesus. Ro “sueoguon” nakilaea nga Nagadumaea nga Hubon it mga Saksi ni Jehova. Sanda ro nagatao it espiritwal nga pagkaon sa insakto nga oras para sa kaibahan nanda nga nagasimba kay Jehova. Gasalig kami sa rayang masaligan nga sueoguon nga taw-an kami it “bastante nga pagkaon sa insakto nga tyempo.”—Lucas 12:42, NW.
Ginadumaeahan ro panimaeay it Dyos. (1 Timoteo 3:15) Gintaw-an ni Jesus it mabug-at nga responsibilidad rayang sueoguon agud dumaeahan ro ueobrahon it organisasyon ni Jehova iya sa eugta—pareho sa pagdipara sa materyal nga pagkabutang, ag pagdumaea sa pagwali nga hilikuton, ag ginatur-an kami paagi sa among kongregasyon. Agud makatao sanda it among kinahang-eanon, “ro masaligan ag maaeam nga sueoguon” gatao it mga espiritwal nga pagkaon kapareho it mga publikasyon nga ginagamit sa among pagministeryo ag paagi sa mga programa nga ginapakita sa amon mga miting ag asembliya.
Ro sueoguon hay masaligan sa kamatuoran it Biblia ag sa sugo nga iwali ro mayad nga balita, maaeam man sanda sa pagdipara it pagkabutang ni Cristo iya sa eugta. (Binuhatan 10:42) Ginpakamaayo gid ni Jehova rayang ueobrahon tungod sa pag-uswag ag bastante nga espiritwal nga pagkaon.—Isaias 60:22; 65:13.
Sin-o ro ginpili ni Jesus nga magpakaon sa anang mga disipulo sa espiritwal?
Paano rayang sueoguon nangin masaligan ag maaeam?