Maskin sa Ang Pagkamahueoy-on Nangin Misyonera Ako

Gin-unga ako ku 1951 sa Vienna, Austria. Ang mga ginikanan hay Katoliko. Mahueoy-on ako, pero nagapati ako sa Dyos ag nagapangamuyo pirme. Kat siyam nga dag-on ako, nagpa-Bible study si tatay sa mga Saksi ni Jehova ag pati man rayon si nanay.

Naga-attend kami sa Döbling Congregation sa Vienna. Bilang pamilya, abu ro among ginaobra nga magkaibahan. Nagabasa ag nagatuon kami it Biblia, naga-attend it mga miting sa kongregasyon, ag nagaboluntaryo sa mga ueobrahon sa mga asembliya. Kat bata pa ako, ginbuligan ako ni tatay nga palanggaon gid si Jehova. Ginapangamuyo na pirme nga mangin payunir kami ku ang manghod nga bayi. Pero, bukon raya kato ang goal.

PAG-UMPISA IT ANG BILOG PANAHON NGA PAG-ALAGAD

Nabautismuhan ako ku 1965, sa edad nga 14. Pero, nalisdan gid ako mag-preaching sa mga tawo nga bukon ko it kilaea. Nalisdan man ako sa ang pagkamahueoy-on ag gusto ko gid kunta nga mangin amigo ro ibang mga bataon. Owa magbuhay pagkatapos ku ang bautismo, nakipag-amigo ako sa mga owa nagaalagad kay Jehova. Gusto ko sandang kaibahan, pero nakokonsensya ako dahil mas abu ang oras sa mga bukon it Saksi. Ag indi ko man kaya nga aywanan sanda. Ano ro nakabulig kakon?

Sa ruyong panahon, may nagsaylo sa among kongregasyon nga sangka 16 anyos nga sister, nga si Dorothée. Nagdayaw gid ako sa anang kahugod sa pag-preaching. Mas magueang ako kana, pero bukon ako it regular sa ministeryo. Naisip ko: ‘Mga Saksi ang ginikanan, pero imaw malang ro Saksi sa anang pamilya. Ginadipara na pa ro anang nanay nga may sakit, pero pirme imaw nga naga-preaching!’ Ro anang mayad halimbawa hay nagpahueag kakon nga dugangan ro akong pag-alagad kay Jehova. Owa magbuhay, dungan kami nga nag-pioneer ni Dorothée. Una, bilang auxiliary pioneer, nga ginatawag kato nga vacation pioneer, ag rayon bilang regular pioneer. Nakakahawa gid ro kahugod ni Dorothée sa pagministeryo. Ginbuligan na ako nga makaumpisa sa ang unang Bible study. Ngani, nangin mas maeumo eon kakon nga makipag-istorya sa mga tawo sa pagpamaeay-baeay, sa daean, o maskin siin man.

Sa unang dag-on it akong pag-regular pioneer, may nagsaylo sa among kongregasyon nga taga-Austria nga brother, nga si Heinz. Natun-an na ro kamatuoran kat nagbisita imaw sa anang magueang nga Saksi sa Canada. Naasayn si Heinz sa among kongregasyon sa Vienna bilang special pioneer. Kat una ko pa eang imaw nga nakilaea, naila eagi ako kana. Pero gusto na nga mangin misyonero, ag buko’t ruyon ang goal. Ngani owa ko ginhambae nga naila ako kana. Pero ku ulihi, nag-umpisa kami sa pag-date ni Heinz, nagpakasae, ag magkaibahan kami nga nag-pioneer sa Austria.

NANGIN GOAL KO RO PAGMISYONERO

Pirmeng ginahambae ni Heinz ro anang handum nga mangin misyonero. Owa na man ako ginapilit kara, pero ginabuligan na ako nga isipon ra paagi sa pagpangutana it, “Dahil owa man kita it unga, pwede baea natong dugangan ro atong pag-alagad kay Jehova?” Dahil sa ang pagkamahueoy-on, nahadlok ako nga mangin misyonero. Maskin nagpayunir ako, ro pag-isip nga mangin misyonero hay matsa malisud gid para kang. Pero, padayon ako nga ginbuligan ni Heinz nga isipon nga mangin goal ra. Ginpalig-on na man ako nga magpukos sa kon ano ang pwedeng maibulig sa iba kaysa sa pag-inisipon kon ano ang mga ginakahadlukan. Nakabulig gid kang ro anang eaygay.

Amat-amat ko nga nagustuhan ro pagiging misyonero, ngani nag-apply kami nga makaeskuyla sa Gilead. Pero, ginhambaean kami it sangka brother sa branch nga mas mayad nga magtuon anay ako para mas mapauswag ko ang paghambae it English. Ginsunod namon ro anang suhistyon. Pero pagkatapos it tatlong dag-on, nakibot kami ni Heinz nga gin-asayn kami sa Yugoslavian nga kongregasyon sa Salzburg, Austria. Sa sueod it pitong dag-on, nag-preaching kami sa mga tawo nga nagahambae it Serbo-Croatian, eakip kara ro sang dag-on nga pag-alagad sa pangsirkito nga ueobrahon. Maskin malisud ro Serbo-Croatian nga linggwahe, abu ro nangin Bible study namon.

Ku 1979, ginpangabay kami it mga brother nga nagapanguna sa Branch nga mag-agto sa Bulgaria sa matag-od eang nga panahon. Dahil bawae ro pagwali nga ueobrahon igto, ginpangabay kami nga hambaeon eang namon nga mabakasyon eang kami. Ginhambaean kami nga indi mag-preaching igto, pero daehon namon it patago ro maisot nga mga publikasyon para sa limang ka sister nga nagaestar sa Sofia, ro kapital it Bulgaria. Nahadlok gid ako, pero ginbuligan ako ni Jehova sa rayang exciting nga asayment. Kat nakita ko ro kaisog it ratong mga sister ag ro andang kasadya maskin pa pwede sandang mapriso, nagtao kakon ra it kaisog nga obrahon man ang bilog nga masarangan sa maskin alin man nga ueobrahon nga ipaobra kang it organisasyon ni Jehova.

Pagtaliwan it pilang dag-on, nag-apply kami it uman sa Gilead ag sa rayang panahon, nabaton kami nga mag-eskuyla. Eaum namon maeskuyla kami sa United States sa English nga linggwahe. Pero ku Nobyembre 1981, nag-umpisa man ro organisasyon nga maghiwat it Gilead nga mga klase sa Germany. Ag dahil German ro linggwahe sa klase, mas madali ko nga naintindihan ro ginatun-an. Siin baea kami iasayn?

PAGMISYONERO SA NASYON NGA ABUNG KAPINTAS

Gin-asayn kami sa Kenya. Pero, ginpangutana kami it branch office kon handa kami nga mag-alagad sa Uganda, nga maeapit nga nasyon it Kenya. Sobra sa pueong dag-on bago kara, ginadumaeahan it sangka military general nga si Idi Amin ro gubyerno it Uganda. Sa anang paggahum, linibo nga mga tawo ro ginpatay ag minilyon ro nag-antus. Pero ku 1979, natapos ro anang pagdumaea sa gubyerno. Ngani, posibleng naintindihan nyo gid kon ham-an nahadlok ako nga mag-agto sa rayang nasyon nga abung kapintas. Pero ginhanda kami sa Gilead nga magsalig kay Jehova. Ngani ginbaton namon ro asayment.

Malisud gid ag delikado ro kabuhi sa Uganda. Indi kayang itao it gubyerno ro mga kinahang-eanon it andang sakop pareho it tubi, kuryente, ag iba pa. Indi man magamit ro mga telepono. May nagabaearilan ag nagapanakaw, eabi eon gid kon gabii. Ngani sa ruyong mga oras, owa eon it may gaguwa sa andang baeay ag nagapangamuyo sanda nga owa kunta it may magsueod ag magpanakaw o may magpatay kanda. Maskin sa rayang mga kalisdanan, padayon nga ginpabakud it mga igmanghod sa Uganda ro andang pagtuo!

Ku 1982, nag-abot kami ni Heinz sa Kampala, ro kapital it Uganda. Sa sueod it lima nga buean, nag-estar kami sa baeay nanday Sam ag Christina Waiswa kaibahan ro andang limang ka unga ag ap-at nga mga igbata. Haeos sang beses eang sanda makakaon sa sang adlaw. Maskin ruyon ro andang sitwasyon, daeayawon gid ro andang pagkamaabiabihon. Sa among pag-estar kanda, abu kaming natun-an ni Heinz nga praktikal nga mga leksyon nga nakabulig sa among pagmisyonero. Halimbawa, natun-an namon nga magtipid it tubi. Sangkiri eang nga tubi ro ginagamit namon sa pagpaligos ag ginasaeod man namon ra para may pangbuhos sa kasilyas. Ku 1983, nagsaylo kami ni Heinz sa sangka baeay sa Kampala nga mas safe estaran.

Naila gid kami mag-preaching iya. Halimbawa, sa sang buean eang, nakapanupod kami it sobra sa 4,000 nga mga magasin! Pero ro mas importante hay ro pagbaton it mga tawo igto sa kamatuoran. Makadyos sanda ag gusto nandang istoryahan ro parti sa Biblia. Ngani may tig-10 hasta’t 15 kami nga mga Bible study ni Heinz, ag abu gid kaming natun-an kanda. Halimbawa, maskin kinahang-ean nandang magbaktas paagto sa miting kada domingo, owa gid sanda nagareklamo ag pirme sandang masadya.

Ku 1985 ag 1986, may daywa pang ka gera nga natabo sa Uganda. Nakikita namon ro mga unga nga nagabitbit it mga armas ag sanda ro nagabantay bilang soldado sa mga checkpoint. Sa ruyong mga panahon, nagpangamuyo kami kay Jehova nga taw-an kami it kaaeam, buligan kami nga indi mahadlok, ag maghaeong habang naga-preaching. Ginsabat gid ni Jehova ro among mga pangamuyo. Nagabatyag kami it kaisog kon may nakita kami nga gustong magtuon parti kay Jehova.

Naila man kami mag-preaching sa mga nagsaylo sa Uganda. Halimbawa, nakilaea namon ag nangin Bible study ro mag-asawa nga sanday Murat ag Dilbar Ibatullin, nga halin sa Tatarstan (Central Russia). Si Murat hay sangka doktor. Nabautismuhan sandang mag-asawa ag padayon nga nagaalagad kay Jehova it matutom. Nakilaea ko man rayon si Tatjana Vileyska, sangka bayi nga taga- Ukraine nga nagaisip kunta nga magpakamatay. Kat nabautismuhan eon si Tatjana, nagbalik imaw sa Ukraine ag ku ulihi, nangin translator it atong mga publikasyon sa Ukrainian.a

PAGMISYONERO SA IBA EON MAN NGA NASYON

Ku 1991, habang nagabakasyon kami ni Heinz sa Austria, ginpadaehan kami it sueat ku branch sa Austria parti sa among bag-ong asayment. Maasayn kami sa Bulgaria. Sa sueod it mga dinag-on, ginbawae ro atong pagwali nga ueobrahon sa pila nga mga nasyon it Europe. Pero nagbag-o ra ag nangin legal ro atong mga ueobrahon sa ruyong mga nasyon, eakip kara ro nasyon it Bulgaria. Sa ginsugid ko kaina, patago namon nga gindaea ni Heinz ro mga publikasyon sa Bulgaria habang bawae pa ro atong ueobrahon. Pero igto kami gin-asayn para mag-preaching.

Ginhambaean kami it mga brother sa branch nga magdiretso lang sa Bulgaria ag indi eon magbalik sa Uganda. Ngani owa eon kami nagbalik sa Uganda para himuson ro among mga gamit ag mag-eaong sa mga igmanghod igto. Kundi nag-agto eagi kami sa Bethel it Germany, nagbuoe igto it saeakyan, ag nagbyahe pa-Bulgaria. Gin-asayn kami sa Sofia, sa sangka grupo nga mga 20 eang ro publisher.

Nakaatubang kami it pila nga mga kalisdanan sa Bulgaria. Una, indi kami kaantigo sa andang linggwahe. Dugang pa, daywa eang ro publikasyon sa Bulgarian nga linggwahe, ro The Truth That Leads to Eternal Life ag ro My Book of Bible Stories. Ag nalisdan kami nga makausoy it mga Bible study. Maskin pa sa rayang mga kalisdanan, ro among maisot nga grupo hay mahugod gihapon sa pag-preaching. Pero owa naila kara ro mga myembro it Bulgarian Orthodox Church, ngani ginhingabot nanda kami.

Ku 1994, owa eon ginkilaea ku gubyerno it Bulgaria ro mga Saksi ni Jehova bilang relihiyon, ag abung taga-igto ro nagaisip nga delikado kita nga grupo it relihiyon. Ro pila nga mga brother hay gin-aresto. Nagapakalat man ro media it mga kapurilan parti katon, nga ro mga Saksi ni Jehova kuno hay owa eang ginapatay ro mga unga kundi ginakumbinsi man ro ibang Saksi nga magpakamatay. Ngani nalisdan gid kami ni Heinz nga mag-preaching. Dahil kon mag-preaching kami, ginasinggitan kami it mga tawo, ginatawgan it pulis, ag ginaeapog it kon alin-alin nga mga bagay. Indi man makapadaea it mga publikasyon sa nasyon, ag maskin ro pagrenta it tieipunan para sa mga miting hay kalisud gid. Ginsueod it mga pulis ro sambilog sa atong mga kunbensyon ag ginpapundo ra. Makaron paeang kami nakaeksperyinsya ni Heinz it makarayang klasi it pagtratar ku mga tawo. Iba gid sanda sa mga taga-Uganda nga gustong magtuon it Biblia! Ano ro nakabulig kamon ni Heinz nga indi maeuyahan it buot?

Nakabulig kamon ro pagpakig-iba sa mga igmanghod. Masadya sanda nga nasayran nanda ro kamatuoran ag ginaapresyar gid nanda ro among pagpakig-iba kanda. Nangin maeapit kami sa kada isaea ag nagabueoligan. Natun-an namon ni Heinz nga pwede kitang mangin masadya sa maskin alin man nga asayment kon padayon naton nga palanggaon ro mga tawo.

Pagtaliwan it pilang dag-on, nangin mas maeumo eon ro pag-preaching sa Bulgaria. Ku 1998, ginkilaea it uman ku gubyerno ro mga Saksi bilang sangka relihiyon, ag abu eon nga mga publikasyon ro gin-translate sa Bulgarian. Rayon ku 2004, gindedikar ro bag-o nga bilding it branch. Makaron, may una eon 57 nga mga kongregasyon sa Bulgaria ag may 2,953 nga mga publisher. Ku nagtaliwan nga dag-on it pag-alagad, may 6,475 nga nag-attend sa Memoryal. Kon dati, may lima eang nga sister sa Sofia pero makaron, may siyam eon mga kongregasyon! Nakita gid namon ni Heinz ro katumanan it hula nga “ro sangkiri hay mangin sanglibo.”​—Isa. 60:22.

PAG-ATUBANG SA AMONG PERSONAL NGA MGA KALISDANAN

Nakaeksperyinsya ako it abung mga problema sa ang pang-eawas. Sa nagtaliwan nga mga dinag-on, pilang beses akong nagka-tumor o bukoe ag ro sambilog kara hay sa utok. Gin-radiation therapy ako ag gin-operahan sa India it mga 12 nga oras para mabuoe ro kaeabanan kara. Pagkatapos it operasyon, nagtener anay kami sa Bethel it India para magpamayad bago magbalik sa among asayment sa Bulgaria.

Nagmasakit si Heinz it Huntington’s disease. Rayang sakit hay namamana ag dahil kara, nalisdan imaw nga magtikang, maghambae, ag indi na makontrol ro anang paghueag. Habang nagalala ro anang masakit, mas kinahang-ean na ang bulig. Kon amat, dahil sa sobrang kagaoy, naiisip ko kon paalin ko imaw padayon nga madipara. Pero, may sangka bataon brother nga si Bobi, nga pirmeng nagasampit kay Heinz nga mag-iba kana sa pag-preaching. Owa imaw nahuya nga makaibahan si Heinz maskin pa nalisdan si Heinz nga maghambae o indi na makontrol ro anang paghueag. Una gid pirme si Bobi para magbulig kon indi ko maasikaso si Heinz. Maskin pa nagdesisyon kami ni Heinz nga indi magkaunga sa rayang sistema, nabatyagan namon nga gintao ni Jehova si Bobi bilang among unga!—Mar. 10:29, 30.

Nagkakanser man si Heinz. Ag makasueobo nga namatay ang pinalangga nga asawa ku 2015. Nahidlaw gid ako kana. Imaw pirme ro nagabulig kakon para indi magkabaeaka. Nalisdan gihapon ako nga patihan nga patay eon imaw. Pero sa ang isip, matsa buhi gihapon imaw! (Luc. 20:38) Pirme ko nga ginadumdom ro anang kabuot ag mayad nga mga eaygay nga gintao kakon. Ag nagapasaeamat gid ako nga naalagad namon si Jehova it magkaibahan sa abung mga dinag-on.

NAGAPASAEAMAT SA BULIG NI JEHOVA

Ginbuligan gid ako ni Jehova nga matiis ang tanan nga mga kalisdanan. Ginbuligan na man ako nga palanggaon ro mga tawo ag mangin misyonera maskin pa sa ang pagkamahueoy-on. (2 Tim. 1:7) Nagapasaeamat gid ako kay Jehova dahil kami ku ang manghod nga bayi hay sa bilog panahon nga pag-alagad. Makaron, imaw ag ro anang asawa hay nagaalagad sa sirkito it Serbia sa Europe. Ginsabat gid ni Jehova ro pangamuyo ni tatay para kamon nga magmaeanghod!

Ro pagtuon sa Biblia hay nagatao kakon it katawhay sa isip. Sa panahon it ang mga kalisdanan, natun-an ko nga mas ‘magpangamuyo pa gid,’ pareho kay Jesus. (Luc. 22:44, Ro Bag-o nga Kasugtanan, TAP) Ginsabat ni Jehova ang mga pangamuyo paagi sa pagpalangga ag kabuot it mga igmanghod sa ang kongregasyon sa Nadezhda, Sofia. Pirme nanda akong ginasampit nga mag-bonding ag pirme man nandang ginahambae nga palangga nanda ako. Nakabulig gid ra kakon nga padayon nga mangin masadya.

Ginapamaeandungan ko pirme ro pagkabanhaw. Naiimadyin ko ang bilog nga pamilya nga magkaibahan sa Paraiso. Ro ang mga ginikanan hay una sa prente ku among baeay, ag ro andang itsura hay nagbata pareho kat sa adlaw it andang kasae. Naiimadyin ko man ang manghod nga bayi nga nagahanda it pagkaon. Pati man si Heinz nga nagatindog sa kilid it anang kabayo. Kon naiimadyin ko rayang mga bagay, nagatao ra kakon it kasadya ag nagabulig kakon nga makatiis. Ag nagapasaeamat gid ako kara kay Jehova.

Kon isipon ko ro tanan nga mayad nga mga bagay nga gintao kang ni Jehova ag ro itao na pa sa paeaabuton, mahambae ko man ro ginhambae ni David sa Salmo 27:13, 14: “Siin eon baea ako makaron kon owa ako it pagtuo nga makita ko ro pagkamayad ni Jehova habang buhi pa ako? Magsalig ka kay Jehova; magpakaisog ka ag magpakabakud. Huo, magsalig ka kay Jehova.”