• ዘፀአት 34:6, 7
    አዲስ ዓለም ትርጉም መጽሐፍ ቅዱስ

    • 6 ይሖዋም በፊቱ እያለፈ እንዲህ ሲል አወጀ፦ “ይሖዋ፣ ይሖዋ፣ መሐሪና+ ሩኅሩኅ*+ የሆነ አምላክ፣ ለቁጣ የዘገየ፣+ ታማኝ ፍቅሩና*+ እውነቱ*+ እጅግ ብዙ የሆነ፣ 7 ታማኝ ፍቅርን ለሺዎች የሚያሳይ፣+ ስህተትን፣ መተላለፍንና ኃጢአትን ይቅር የሚል፣+ ጥፋተኛውን ግን በምንም ዓይነት ሳይቀጣ የማያልፍ+ እንዲሁም አባቶች ለሠሩት ስህተት በልጆች፣ በልጅ ልጆች፣ በሦስተኛና በአራተኛ ትውልድ ላይ ቅጣትን የሚያመጣ።”+

  • ኤርምያስ 46:27, 28
    አዲስ ዓለም ትርጉም መጽሐፍ ቅዱስ

    • 27 ‘አገልጋዬ ያዕቆብ ሆይ፣ አትፍራ፤

      እስራኤልም ሆይ፣ አትሸበር።+

      አንተን ከሩቅ ቦታ፣

      ዘሮችህንም ተማርከው ከተወሰዱበት ምድር አድናለሁና።+

      ያዕቆብ ይመለሳል፤ የሚያስፈራውም ሳይኖር

      ተረጋግቶና ሰላም አግኝቶ ይቀመጣል።+

      28 ስለዚህ አገልጋዬ ያዕቆብ ሆይ፣ አትፍራ’ ይላል ይሖዋ፤

      ‘እኔ ከአንተ ጋር ነኝና።

      አንተን የበተንኩባቸውን ብሔራት ሁሉ ፈጽሞ አጠፋቸዋለሁ፤+

      አንተን ግን ሙሉ በሙሉ አላጠፋህም።+

      በተገቢው መጠን እገሥጽሃለሁ* እንጂ+

      በምንም ዓይነት ሳልቀጣ አልተውህም።’”