የአምላክ ወዳጆች መልካም የሆነውን ያደርጋሉ

የምታደንቀውና የምታከብረው ወዳጅ ካለህ እርሱን ለመምሰል ትጥራለህ። መጽሐፍ ቅዱስ “እግዚአብሔር ቸር [“ጥሩ፣” NW] ቅንም ነው” በማለት ይናገራል። (መዝሙር 25:8) የአምላክ ወዳጅ ለመሆን ጥሩና ቅን መሆን አለብን። “እንደ ተወደዱ ልጆች እግዚአብሔርን የምትከተሉ [“የምትመስሉ፣” NW] ሁኑ” በማለት መጽሐፍ ቅዱስ ይናገራል። (ኤፌሶን 5:1, 2) ይህን ከምናደርግባቸው መንገዶች አንዳንዶቹ የሚከተሉት ናቸው:-

ሌሎችን እርዳ። “ለሰው ሁሉ . . . መልካም እናድርግ።”—ገላትያ 6:10

ጠንክረህ ሥራ። “የሰረቀ ከእንግዲህ ወዲህ አይስረቅ፣ ነገር ግን በዚያ ፈንታ . . . በገዛ እጆቹ መልካምን እየሠራ ይድከም።”—ኤፌሶን 4:28

በአካልም ሆነ በሥነ ምግባር ንጹሕ ሁን። “በእግዚአብሔር ፍርሃት ቅድስናን ፍጹም እያደረግን ሥጋንና መንፈስን ከሚያረክስ ሁሉ ራሳችንን እናንጻ።”—2 ቆሮንቶስ 7:1

የቤተሰብ አባሎችህን በፍቅርና በአክብሮት ያዝ። “እያንዳንዱ የገዛ ሚስቱን እንዲህ እንደ ራሱ አድርጎ ይውደዳት፣ ሚስቱም ባልዋን ትፍራ። ልጆች ሆይ፣ ለወላጆቻችሁ በጌታ ታዘዙ።”—ኤፌሶን 5:33–6:1

ሌሎችን አፍቅር። “ፍቅር ከእግዚአብሔር ስለሆነ . . . እርስ በርሳችን እንዋደድ።”—1 ዮሐንስ 4:7

የአገሩን ሕግ አክብር። “ነፍስ ሁሉ [ለመንግሥት] ይገዛ። . . . ለሁሉ የሚገባውን አስረክቡ፤ ግብር ለሚገባው ግብርን፣ ቀረጥ ለሚገባው ቀረጥን።”—ሮሜ 13:1, 7