የአምላክ ወዳጆች መጥፎ ከሆነ ነገር ይርቃሉ

ሰይጣን ሰዎች መጥፎ ነገሮችን እንዲያደርጉ ይፈትናቸዋል። የአምላክ ወዳጅ ለመሆን የሚፈልግ ሰው ይሖዋ የሚጠላቸውን መጥላት ይኖርበታል። (መዝሙር 97:10) የአምላክ ወዳጆች ሊርቋቸው ከሚገቧቸው ተግባሮች መካከል አንዳንዶቹ የሚከተሉት ናቸው:-

የፆታ ብልግና። “አታመንዝር።” (ዘጸአት 20:14) ከጋብቻ በፊት የፆታ ግንኙነት መፈጸምም ስህተት ነው።—1 ቆሮንቶስ 6:18

ስካር። “ሰካሮች . . . የእግዚአብሔርን መንግሥት አይወርሱም።”—1 ቆሮንቶስ 6:10

መግደል፣ ጽንስ ማስወረድ። “አትግደል።”—ዘጸአት 20:13

ስርቆት። “አትስረቅ።”—ዘጸአት 20:15

ውሸት። ይሖዋ “ሐሰተኛ ምላስ” ይጠላል።—ምሳሌ 6:17

የኃይል ድርጊትና ከቁጥጥር ውጭ የሆነ ቁጣ። “ዓመፃን የወደዳት ግን” ይሖዋ ይጠላዋል። (መዝሙር 11:5) ‘ከሥጋ ሥራዎች አንዱ ቁጣ ነው።’—ገላትያ 5:19, 20

ቁማር። “ከሚስገበገቡ . . . ጋር አትተባበሩ።”—1 ቆሮንቶስ 5:11 የ1980 ትርጉም

የዘርና የጎሳ ጥላቻ። “ጠላቶቻችሁን ውደዱ . . . ስለሚያሳድዱአችሁም ጸልዩ።”—ማቴዎስ 5:43, 44

አምላክ የሚነግረን የሚጠቅመንን ነገር ብቻ ነው። መጥፎ ከሆኑ ነገሮች መቆጠብ ሁልጊዜ ቀላል አይደለም። ከይሖዋና ከምሥክሮቹ በምታገኘው እርዳታ አምላክ የማይደሰትባቸውን ነገሮች ከማድረግ ልትቆጠብ ትችላለህ።—ኢሳይያስ 48:17፤ ፊልጵስዩስ 4:13፤ ዕብራውያን 10:24, 25