ከዮናስ መጽሐፍ የምናገኛቸው ትምህርቶች

ይሖዋ፣ በእምነታቸው ምሳሌ የሚሆኑ የተለያዩ ወንዶችና ሴቶችን የሕይወት ታሪክ በቃሉ ውስጥ አስፍሮልናል፤ ይህን ያደረገው ከእነሱ ጠቃሚ ትምህርት እንድናገኝ ሲል ነው። (ሮም 15:4) ከዮናስ መጽሐፍ ምን ትምህርት አግኝተሃል? የቤተሰብ አምልኮ፦ ዮናስ—ከይሖዋ ምሕረት ትምህርት ማግኘት የሚለውን ቪዲዮ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• በቪዲዮው ላይ የሚታዩት ሦስት አስፋፊዎች ምን ተፈታታኝ ሁኔታዎች አጋጥመዋቸዋል?

• ጠንከር ያለ ምክር ቢሰጠን ወይም የአገልግሎት መብታችንን ብናጣ ከዮናስ መጽሐፍ ምን ማበረታቻ እናገኛለን? (1ሳሙ 16:7፤ ዮናስ 3:1, 2)

• የዮናስ ታሪክ ለአገልግሎት ክልላችን አዎንታዊ አመለካከት ይዘን ለመቀጠል የሚረዳን እንዴት ነው? (ዮናስ 4:11፤ ማቴ 5:7)

• ከባድ የጤና ችግር ሲያጋጥመን የዮናስ ታሪክ የሚያጽናናን እንዴት ነው? (ዮናስ 2:1, 2, 7, 9)

• መጽሐፍ ቅዱስን ማንበብና ባነበብነው ነገር ላይ ማሰላሰል ያለውን ጥቅም በተመለከተ ከዚህ ቪዲዮ ምን ትምህርት አግኝተሃል?