የጦርነት ሰቆቃ

“በዙሪያችን ሰዎች ሲገደሉና ሲቆስሉ እናያለን። ቀን ከሌት በስጋት ነው የምንኖረው።”—ጌሪ፣ ብሪታንያ

“ጀርባዬና ፊቴ ላይ በጥይት ተመትቻለሁ፤ ልጆችንና አረጋውያንን ጨምሮ ብዙዎች ሲገደሉ አይቻለሁ። ጦርነት ልብ ያደነድናል።”—ዊልማር፣ ኮሎምቢያ

“ከፊት ለፊትህ አንድ ሰው ተተኩሶበት ሲገደል ስታይ ትዕይንቱ ከአእምሮህ አይጠፋም። ያሰማው ጩኸትና ሲቃ ያቃጭልብሃል። ግለሰቡን ፈጽሞ አትረሳውም።”—ዘፊራ፣ ዩናይትድ ስቴትስ

“መልሼ ደስተኛ መሆን የምችል አልመሰለኝም ነበር። ለሕይወትህ ትሰጋለህ፤ ከዚህም በላይ ደግሞ ለቤተሰቦችህና ለጓደኞችህ ሕይወት ትሰጋለህ።”—ኦሌክሳንድራ፣ ዩክሬን

“ከአሁን አሁን ተባራሪ ጥይት መታኝ ብለው እየተሳቀቁ ከሌሊቱ 8 ሰዓት እስከ ምሽቱ 5 ሰዓት ድረስ ለምግብ መሰለፍ በጣም ያስፈራል።”—ዴለር፣ ታጂኪስታን

“ጦርነት ወላጆቼን ነጥቆኛል። ብቻዬን ስለቀረሁ የሚያጽናናኝም ሆነ የሚንከባከበኝ ማንም ሰው አልነበረም።”—ማሪ፣ ሩዋንዳ