Ibebene Okpọkọ 7

Okpọkọ keyi iben mfufuk ugwem ogwu ubọọn̄ Sọọlu mè ogwu ubọọn̄ Debit, orere, inu orọrọ me mkpọ obet lek akọp acha jeeta. Me ike mgbọ ge, Sọọlu ire ogwu osisiki lek mè ikaan̄ ukpook Awaji. Ire, ike mgbọ ojebe, Sọọlu onwenwene, mè ijit igọgọọk ntọ-ubọk Jioba. Jioba ojijit ọmọ mè itumu inyi Samien ibe isi itọkọ aran̄ me ibot Debit ogwu oboyaka ire ogwu ubọọn̄ ebi Ijeren. Bak lek mba-ejit, Sọọlu isa lek ikpakpan̄ Debit owuwa mgbọ, ire, Debit ikarọ ọmọ useen̄ inu. Jonatan gwun̄ Sọọlu iriọọn̄ ibe ke ire Jioba ogobo Debit ibe ire ubọọn̄, ọmọ orọ igbebe utoon̄-ejit inyi Debit. Ikerere ibe ke Debit irọ ijo inu omimin, ikajit nkan̄-inu Jioba. Ire owu ire ute mè iyaka ire uga, tap ubọk rọ nyi gwun̄ kwun̄ imun̄ ubọk isabe ikup ufiak ire igọgọọk onineen̄ Jioba.