Proverbios
2 [...] huelu Jehová ngüneduamquei chumngelu femqueiñ fillque dungu. 3 Jehová meu elcünuaimi com tami femquen, fei cüme tripayai tami pepicacünuel. 5 Jehová üdequefi com che mallmapiuque nielu. [...] 6 [...] Rume yamniefiel mu Jehová, quiñe che püntüuquei huesa dungu mu. 18 Mallmangele ta che, troncüai llemai. Doi cümelu troquiule ta che, mutrurai llemai. 20 Tati quim ngüneduamfilu quiñe dungu cüme tripayai, ca tati maneluulu Jehová mu ayüucülequei. 21 Tati quim piuque nielu, adümuulu pingeai. Ca tati piuqueyenquechi dungulu doi cüme quimeltuchequei. 23 Quiñe quimche cüme dulliquei tañi feipial. Tañi feipin puuquei piuque mu. 24 Ti panal nielu miel, femngechi felei tati ayüfalchi dungun, yafülduamquefi tati che ca tremoltuquefi ñi raquiduamcülen ti piuque. 28 Tati quintucaduamchequelu yafcahulchequei, ca tati huitrameldunguquelu püntülquefi pu cümeque hueni. 31 Lingarcülechi lonco quiñe adngechi corona reque felei, inaniele ti rüpü nielu nor dungu. 32 Tati huentru illcufemquenolu doi cümei tati nehuen-ngelu mu, ca ti quisutu ngüneuquelu doi cümei tati contuhuariaquelu mu.