Proverbios
17 Doi cümei quiñe che ñi iyal quiñe hudcan anquen cofque cheu ñi mülen tüngün ta iyal fentren cümeque iyael quiñe ruca cheu ñi mülen yafcahun. 3 Ti rütrafe ñi charu liftuquefi tati plata ca ti rono liftuquefi ti milla, huelu Jehová fei tati ngüneduamquelu pu piuque. 4 Tati huesa piuquengelu allcütuquefi ti huesa dungun allfülcaquelu, cafei ti huentru ngünencachequelu allcütuquefi ti huesalcafe quehun. 9 Pu rulpacünuquelu pu che ñi huelulcan pengelquei ñi piuqueyechen. Huelu pu nütramcanielu ti huelulcan hudamentuquefi pu cümeque huenihuen. 14 Tati lladcütudunguulu caquelu che engu trürümngei tati co felen rumelu müten catrütungefule rume. Feimu petu tami lladcünon quiñe che engu, amutunge. 17 Quiñe rüfngechi hueni rumel piuqueyechequei, ca quiñe peñi reque felei ñi mülen mu hueñancün. 22 Quiñe ayüucülechi piuque cüme lahuen reque trüri, huelu ti huesa duamcülechi piuque ngañhuadelmaqueyu ñi nehuen. 27 Quiñe huentru quimchengelu ngüneuquei ñi feipin mu, ca quiñe huentru quim ngüneduamlu ñochi duamcüleai.