Daniel
16 Huelu iñche allcüquen eimi pengelqueimi chem pifel ellcalechi dungu ca entudunguquefimi cüdaungechi dungu. Fei, pepi papeltulmi tati hurintuculelu ca feipieli tañi chem pifel, huercüan tami tuculelngeal quiñe quelü huilüf tacun ca quiñe oro llanca tami pel meu ca tati cülangechi gobernantengerpuaimi”. 17 Fei Daniel huiñoldungufi tati lonco ülmen: “Eluquenoeli tami regalo, ca che elufinge. Iñche papeltulelcayayu müten tati huirintuculelu ca feipiayu tañi chem pifel. 18 Ahuem lonco ülmen, tati Doi Alüpüralechi Ngünechen elufi tami chau Nabucodonosor ñi loncoleal, ñi falinchengeal, ñi yamniengeal ca püramyengeal. 22 Huelu eimi Belsasar, Nabucodonosor ñi fotüm, com quimniefuimi rume illamuulaimi fente tami mallmapiuquecünuhun. 23 Doi mai chaftufimi huenu mülechi Ñidol. Huercüimi tami cüpalelngeal tañi ruca müleyechi faso, fei mu pütocoimi pulcu tami pu falin-ngechi che, tami pu domo ca tati pu müri engün. Püramyefimi pu dios deumangelu plata ca oro meu, cobre, pañilhue, mamüll ca cura meu, pu dios allcüquenolu, pequenolu ca quimquenolu chem no rume. Huelu püramyelafimi ta Chau Ngünechen tati ngen-ngelu tami mongen mu ca tami rüpü mu. 24 Feimi quisu huercüi tüfachi cuhu ñi huirintucual tüfachi dungu. 26 Tüfa ñi feipilen ti huirintuculelu: MENÉ: Chau Ngünechen raquifi tunten antü tami ngünenieal ca fentepucünufi. 27 TEQUEL: fanefanetungeimi ti pesa meu, fei quimfali tami fente falinon. 28 PERÉS: Tami ngünenien hudamcangei ca elungetui pu medo ca persa”.