¿Raquiduamtucufimi?

Tüfa mu mülei quiñeque ramtun tripalu Ti Huerquen 2025 tripantu mu. ¿Petu loncontucuniefimi cai ti huiñoldungun?

¿Chumngelu püramyequefiyiñ Jehová?

Taiñ rume respetaniefiel mu, taiñ piuqueyeniefiel com piuque mu ca tañi quimaeteu caquelu che (w25.01, pagina 3).

¿Chumngechi perdonayafuiñ taiñ huesa duameleteu?

Quimtucuaiñ taiñ huesa duamcülen, ngünehuafuiñ taiñ illculehuenoal, femngechi hueñancühuelayai taiñ piuque (w25.02, pagina 15 ca 16).

Pu huechequeche, ¿chumngelu cümeafui ñi inayentuafiel Marcos?

Marcos eluucülefui ñi cüdahuelafiel Jehová. Hueñancüpelafui quiñe dungu mu ñi rupan, huelu amulei ñi cüdahual. Cüme hueniyerpufi Pablo ca caquelu quimque cristiano (w25.04, pagina 27).

Jesús feipifi tañi Chau: “Quimeltulelfiñ engün tami üi”, ¿chem cüpa feipi? (Juan 17:26).

Pu discipulo deu quimniefuingün Jehová tañi üi. Huelu Jesús quimeltulelfi ñi chumngen ta Jehová, chem tañi ayüqueel, chem tañi femün cuifi ca chem tañi femal (w25.05, pagina 20 ca 21).

Ñom piuquengeliyiñ, ¿chem raquiduamtucuaiñ?

Taiñ quimnon quiñeque dungu. Quimlaiñ chumül ñi acual Jehová ñi antü, chumngechi taiñ quelluaeteu Jehová, chem tañi rupayal cüpalechi antü. Ca müte adümquelaiñ fente taiñ quimnieteu Jehová (w25.06, pagina 15 puulu 18).

Allcütuliyiñ quiñe hueupin cam papeltuliyiñ quiñe troquiñ taiñ pagina mu, ¿chumafuiñ?

Ramtuhuafuiñ: “Ñi raquiduamelafiel ti che ñi rüfngen ti quimeltun, ¿chem dungu feipingequei? ¿Mülei quiñe ejemplo tañi quelluaeteu ñi quimfalcünual tüfachi quimeltun? ¿Inei duamafui tüfachi quimeltun?” (w25.07, pagina 19).

Chau Dios ñi perdonafiel David, ¿chem quimeltuqueiñmu?

David huesa culpai quiñeque dungu meu. Huelu repentiutui, fei Jehová perdonaeyu (1 Rey. 9:4, 5). Jehová rüf perdonaquei, feimu turpu acordahuequelai taiñ culpan (w25.08, pagina 17).

¿Chumafuiñ ti estudiante cüdautule ñi adümafiel quiñe quimeltun?

Inaduamfiliyiñ ti estudiante ñi adümnofiel quiñeque quimeltun, amulepe müten ti chillcatun. Fei hula, ca huiño nütramcatuafuiñ feichi dungu mu (w25.09, pagina 24).

Biblia feipi “tati culpan ñi pepiluhun mu, feiti ngünencachequelu” (Heb. 3:13). ¿Chem pin am?

Taiñ culpan chengen mu yequeiñmu taiñ huesa femal ca raquiduamelqueiñmu taiñ piuqueyenoeteu Jehová (w25.10, pagina 16).

¿Chem cüla dungu quelluafeiñmu taiñ llellipual com piuque mu?

1) Raquiduamaiñ ñi chumngen ta Jehová. 2) Petu taiñ llellipunon, ramtuhuafuiñ: “¿Chem huesaque dungu mu rupamequen?”. Mülefui chi quiñe che taiñ perdonayafiel. 3) Matu llellipulayafiyiñ ta Jehová. Femngechi doi nülanentulelafiyiñ taiñ piuque (w25.10, pagina 19 ca 20).

¿Chumngechi quelluafuiñ pu füchaqueche?

Pemeafuiñ ca mütrümafuiñ pu füchaqueche. Amule doctor mu, compañafuiñ. Ca trür amuldunguaiñ pu füchaqueche engün (w25.11, pagina 6 ca 7).

¿Chem mülei ñi femal pu niehualu ñi ayühulafiel Jehová?

Mülei ñi inayafiel pu gobierno ñi ley. Tati mafühun mu mülei ñi pengelal ñi nien Chau Dios tañi nehuen. Cüme tucutuhuaingu, huelu quintulayaingu tañi afmatungeal. Famentuafingu ti huimtun nüucülenolu Biblia mu ca cüme nütramcahuaingu petu pepicafile tañi mafühun (w25.12, pagina 21 puulu 24).