আপোনাৰ ৰাজ্যগৃহক আপুনি আদৰ কৰেনে?
১ “চোৱা, ভাইবিলাকে ঐক্যেৰে একে-লগে বাস কৰা কেনে উত্তম আৰু সন্তোষজনক।” (গীত. ১৩৩:১) ৰাজ্যগৃহত হোৱা সভাবোৰে আমাক মণ্ডলীত থকা ভাই-ভনীসকলক প্ৰেম আৰু সৎকৰ্ম্মত উত্তেজিত, পৰস্পৰে মনোযোগ, উদগণি দি ঐক্যতাৰ বন্ধনত থাকিবলৈ এক সোণালী সুযোগ প্ৰদান কৰে—ইব্ৰী ১০:২৪, ২৫)
২ যিহেতু ৰাজ্যগৃহই আমাৰ জীৱনত এক প্ৰমুখ ভূমিকা আদয় কৰে। কিন্তু আমি সঁচাকৈ ইয়াক আদৰ কৰোঁনে? ৰাজ্যগৃহ হৈছে সত্য উপাসনাৰ এক মুখ্য কেন্দ্ৰ। সেইবাবে আমি ইয়াৰ প্ৰতি শ্ৰদ্ধা কৰা উচিত। এই ৰাজ্যগৃহক পৰিষ্কাৰ আৰু উত্তম অৱস্থাত ৰখা আমাৰ সকলোৰে কৰ্তব্য। ৰাজ্যগৃহত পৰিষ্কাৰ-পৰিছন্নতা বজাই ৰাখিবলৈ প্ৰত্যেকতো পুস্তক অধ্যয়ন গ্ৰুপক নিযুক্ত কৰা হয়। যদি সম্ভৱ হয় আমাৰ সকলোৱে এই কাৰ্য্যত ভাগ লোৱা উচিত, কিয়নো এইদৰে কৰাৰ যোগেদি আমি আমাৰ পৰিষ্কাৰ-পৰিছন্নতা কৰা কাৰ্য্য আৰু সভাৰ বাবে আকৰ্ষণীয় ৰাজ্যগৃহখনৰ প্ৰতি মূল্যাঙ্কন দেখুৱাব পাৰিম।
৩ গতিকে ৰাজ্যগৃহক পৰিষ্কাৰ কৰিবলৈ নিযুক্তি থাকক বা নাথাকক আমাৰ সকলোৱে পৰিষ্কাৰ-পৰিছন্নতা বজাই ৰখাত আগ্ৰহ দেখুৱাব পাৰোঁ। আমি কেনেকৈ আগ্ৰহ দেখুৱাব পাৰোঁ? বিশেষকৈ যেতিয়া বতৰ বেয়া হয় তেতিয়া আমাৰ সকলোৱে ৰাজ্যগৃহত অপৰিষ্কাৰ জোতাৰে প্ৰৱেশ কৰাৰ পৰিৱৰ্তে নিজ নিজ জোতা পৰিষ্কাৰ কৰি প্ৰৱেশ কৰা উচিত। আমি শৌচালয় ব্যৱহাৰ কৰাৰ পাছত আন ব্যক্তিয়ে ব্যৱহাৰ কৰিব পৰাকৈ পৰিষ্কাৰ কৰা আৱশ্যক। আনহাতে, যিসকল ভায়ে সাহিত্য আৰু আলোচনী বিভাগত কাম কৰ, তেওঁলোকে খালী থকা বাকচবোৰ কাউন্টাৰৰ পৰা আঁতৰাই দিয়া বা সেইবোৰক আৱৰ্জনা পেলোৱা ঠাইত পেলাই দিয়া আৱশ্যক। তদুপৰি, যদি আমি মজিয়াত কোনো অনাৱশ্যকীয় কাগজ বা আৱৰ্জনা পৰি থকা দেখা পাওঁ তেন্তে আন কোনোৱাই আহি তাক পৰিষ্কাৰ কৰাৰ বাবে অপেক্ষা নকৰি নিজেই পৰিষ্কাৰ কৰা আৱশ্যক।
৪ সেই একেইদৰে আমি অধিৱেশন বা সন্মিলন ভৱনতো কৰা উচিত। কিয়নো সন্মিলন বা অধিৱেশন হোৱা ভৱনো হৈছে সত্য উপসনাৰ মুখ্য কেন্দ্ৰ। গতিকে নিজৰ বা আনৰে হওঁক, আমি সভা, সন্মিলন আৰু অধিৱেশ হোৱা গৃহবোৰকো আদৰ কৰা উচিত। সেইবাবে সেই গৃহবোৰৰ পৰা ওলাই অহাৰ আগতে পৰিষ্কাৰ-পৰিছন্নতা বিষয়ে আমি সদায়ে সজাগ হোৱা আৱশ্যক। যিসকলক এই কাৰ্য্যৰ বাবে নিযুক্তি কৰা হৈছে কেৱল তেওঁলোকেহে যে ইয়াৰ যত্ন লʼব এনে নহয়, কিন্তু আমাৰ সকলোৰে ইয়াক পৰিষ্কাৰ কৰি ৰখাটো কৰ্তব্য।
এটাতকৈ অধিক মণ্ডলীয়ে ব্যৱহাৰ কৰা ৰাজ্যগৃহ
৫ যিহেতু মাটি-বাৰীৰ মূল্য অধিক হোৱাৰ বাবে বহুতো মণ্ডলীয়ে এখনহে ৰাজ্যগৃহ ব্যৱহাৰ কৰে। নগৰত বা চহৰত থকা পাঁচখন বা ছখন মণ্ডলীয়ে হয়তো সভাৰ বাবে একেখন ৰাজ্যগৃহ ব্যৱহাৰ কৰিব পাৰে। গতিকে এনে অৱস্থাত প্ৰত্যেকখন মণ্ডলীয়ে ৰাজ্যগৃহবোৰক যিহোৱাৰ উপাসনা স্থান আৰু তেওঁৰ সম্পত্তি বুলি বিবেচনা কৰি যত্ন লোৱা উচিত। এতেকে ৰাজ্যগৃহবোৰক চোৱা-চিতা কৰাৰ দ্বাৰা কেৱল যিহোৱাৰ প্ৰতি প্ৰেম প্ৰকাশ কৰাই নহয়, কিন্তু ৰাজ্যগৃহক ব্যৱহাৰ কৰা আমাৰ ভাই-ভনীসকলৰ প্ৰতিও প্ৰেম দেখুৱা হয়।
৬ সাধাৰণতে ৰাজ্যগৃহবোৰক সপ্তাহত এবাৰকৈ পৰিষ্কাৰ কৰা হয়। কিন্তু যি ৰাজ্যগৃহবোৰক এটাতকৈ অধিক মণ্ডলীয়ে ব্যৱহাৰ কৰে, সেই ৰাজ্যগৃহবোৰক প্ৰত্যেক মণ্ডলীৰ সভা শেষ হোৱাৰ পাছত আন মণ্ডলীয়ে ব্যৱহাৰ কৰিবলৈ পৰিষ্কাৰ কৰা আৱশ্যক। বিশেষকৈ দেওবাৰে যেতিয়া একেখন ৰাজ্যগৃহক বহুতো মণ্ডলীয়ে ব্যৱহাৰ কৰে, যদি পৰিষ্কাৰ কৰা নহয় তেন্তে দিনটোৰ শেষত ৰাজ্যগৃহখন অধিক অপৰিষ্কাৰ হৈ পৰিব আৰু তাক পৰিষ্কাৰ কৰিবলৈ কোনো এজনো উপস্থিত নাথাকিব। সেইবাবে যদি সময়ে অনুমতি দিয়ে প্ৰত্যেকখন মণ্ডলীৰ সভা শেষ হোৱাৰ পাছত পৰিষ্কাৰ কৰিলে উত্তম হʼব।
৭ যদিও আমি “বিভেদ নহয়, কিন্তু একে মন” হৈ আছোঁ, তথাপিও আমি ৰাজ্যগৃহবোৰক আদৰ কৰি আধ্যাত্মিক বিষয়বোৰতো ঐক্যতা বজাই ৰাখিব পাৰোঁ।—১ কৰি. ১:১০.