শেষলৈকে যিহোৱাৰ বিশ্বাসী হৈ থাকক

কিয় গুৰুত্বপূৰ্ণ: অতি সোনকালে এনে ঘটনাবোৰ ঘটিব আৰু সেইসময়ত আমাক আগতকৈ বেছি যিহোৱাৰ ওপৰত ভৰসা আৰু সাহসৰ প্ৰয়োজন হʼব। মিছা ধৰ্ম্মৰ বিনাশৰ লগে লগে মহা-ক্লেশৰ আৰম্ভণি হʼব। (মথি ২৪:২১; প্ৰকা ১৭:১৬, ১৭) সেইসময়ত চাৰিওফালে হুলস্থুলীয়া পৰিৱেশ হʼব, তেতিয়া হয়তো আমি লোকসকলক ন্যায় দণ্ডৰ বাৰ্ত্তা শুনাম। (প্ৰকা ১৬:২১) আমাক মাগোগ দেশৰ গোগসকলৰ আক্ৰমণৰ সন্মুখীন হʼবলগীয়া হʼব। (যিহি ৩৮:১০-১২, ১৪-১৬) ইয়াৰ পাছত, ‘সৰ্ব্বশক্তিমান ঈশ্বৰৰ সেই মহা-দিনৰ যুদ্ধ’ আৰম্ভ হʼব। (প্ৰকা ১৬:১৪, ১৬) বৰ্তমান সময়ত সন্মুখীন হোৱা পৰীক্ষাৰ সময়ছোৱাত যদি আমি যিহোৱাৰ বিশ্বাসী হৈ থাকিম, তেনেহʼলে ভৱিষ্যতে হʼবলগীয়া সমস্যাবোৰ সাহসেৰে সন্মুখীন হʼব পাৰিম।

ইয়াক কেনেকৈ কৰিব:

• যিহোৱাৰ উচ্চ নৈতিক মানদণ্ড বজাই ৰাখক।—যিচ ৫:২০

• খ্ৰীষ্টান ভাই-ভনীসকলৰ লগত যিহোৱাৰ উপাসনা কৰি থাকক।—ইব্ৰী ১০:২৪, ২৫

• যিহোৱাৰ সংগঠনৰপৰা পোৱা নিৰ্দেশনাবোৰ পালন কৰিবলৈ সাজু থাকক।—ইব্ৰী ১৩:১৭

• যিহোৱাই প্ৰাচীন সময়ত নিজৰ লোকসকলক কেনেকৈ ৰক্ষা কৰিছিল, তাৰ ওপৰত ধ্যান কৰক।—২পিত ২:৯

• যিহোৱালৈ প্ৰাৰ্থনা কৰক আৰু তেওঁৰ ওপৰত ভৰসা ৰাখক।—গীত ১১২:৭, ৮

হʼবলগীয়া ঘটনাবোৰৰ বাবে আমাক সাহসৰ প্ৰয়োজন হʼব—এক আভাস নামৰ ভিডিঅʼখন চাওক। তাৰ পাছত নিম্নলিখিত প্ৰশ্নবোৰৰ উত্তৰ দিয়ক:

• 

  এখন মণ্ডলীৰ প্ৰচাৰকসকলক যেতিয়া আন এখন মণ্ডলীলৈ যাবলৈ কোৱাৰ হৈছিল, তেতিয়া কিছুমান লোকৰ বাবে কি কৰিবলৈ কঠিন হৈছিল?

• 

  আজ্ঞাকাৰী হৈ থকাৰ যোগেদি আমি কেনেকৈ সাহস বঢ়াব পাৰোঁ?

• 

  হৰমাগিদোনৰ সময়ত আমাক কিয় সাহসৰ প্ৰয়োজন হʼব?

• 

  যিহোৱাই আমাক উদ্ধাৰ কৰিব বুলি বাইবেলৰ কোনবোৰ ঘটনাই আমাৰ বিশ্বাস দৃঢ় কৰে?—২বং ২০:১-২৪