BIBLIA TOQET JISKTʼANAKA
¿Kunjamatsa wawanakamajj Diosar munasipjjaspa?
Kunanakatï utjki ukanakampiw Diosar uñtʼapjjañapataki ukat munasipjjañapatak wawanakamar yatichasma
Wawanakamatï Diosajj cheqapun utjatapa ukat jupanakar munasitap amuyapjjani ukhajja, Juparojj munasipjjarakiniwa. Ukatakejj uñtʼapjjañapawa (1 Juan 4:8). Sañäni, Diosajj kunatsa jaqer luräna, kunatsa tʼaqhesiñanak jan jankʼak tukjpacha ukat kunsa jutïrin jiwasanak layku lurani taqe ukanakwa yatipjjañapa. (Filipenses 1:9 liytʼäta.)
Diosar wawanakamajj munasipjjañapatakejja, jumajj cheqapun Diosar munasitamwa amuyapjjañaparaki, ukhamatwa jumat yateqasipjjarakini. (Deuteronomio 6:5-7 ukat Proverbios 22:6 liytʼäta.)
Wawanakaman Diosar munasipjjañapatakejj ¿kunsa lurasma?
Diosan Arupajj wali chʼamaniwa (Hebreos 4:12). Ukhamajja, Biblian yatichäwinakap amuyapjjañapatakiw yanaptʼañama. Jupanakan chuymapar purtʼañatakejj Jesusjamarakiw jisktʼañama, kamsapjjchiniy uk sum istʼañama ukat kuntï jan amuyapkani uksa qhanañchtʼañamaraki. (Lucas 24:15-19, 27, 32 liytʼäta.)
Diosajj kunjamsa jaqenakar wali munasiñampi uñjirïna ukwa Bibliat uñachtʼayarakisma. Ukhamatwa Taqe kun Luriri Diosar uñtʼapjjani ukat jukʼamp munasipjjarakini. Internetanwa jw.org/ay cheqan jukʼamp yanaptʼanak jikjjatasma. (2 Timoteo 3:16 liytʼäta.)