¿Janit jiwasamp yatiyir mistupjjañapatak jawstʼksna?

Walja tamanakan yaqhep jilat kullakanakajj jaya tiempo usurnukstata jan ukajj chuymankipstata jikjjatasipjjatapat janiw nayrjam yatiyjjapjjeti (2 Cor. 4:16). Ukham jilat kullakanakatï tamasan utjchejja, ¿janit Bibliat yateqerisar jupamp chik sarksna? Ukat jan utat misturjamäjjchejja, ¿janit Bibliat yateqerisar utapar irpksna? Ukat mä qawqha utanakar yatiyir mistuñapataki, jan ukajj Bibliat yateqañ munapki ukar maynirus jan ukajj paninirus ¿janit visittʼir irpkaraksna? Niyakejjay chuymankipstat jilat kullakanakajj Diosan arunakap yatiyañ toqet wali experiencianakanïpchejja, ukhamajj jupanakamp yatiyir mistusajj walja askinak jikjjatañäni (Rom. 1:12). Cheqas jilat kullakanakar ukham chʼamañchtʼatasata ukat munasiñ uñachtʼayatasat Jehová Diosajj janiw ukhamak uñjkaniti, jan ukasti bendicistaniwa (Prov. 19:17; 1 Juan 3:17, 18).