Jukʼamp sum yatiyañataki: Diosan apayanit suma yatiyäwinaka sat folletompi Bibliat yatichañ qalltapjjañäni
Kunatsa uk lurañajj wakisi. Jaqenakaru Jesusan arkiripar tukuyañatakejja, Diosan Arup sum yatichañwa yatiñasa (Mat. 28:19, 20). Ukatakejja, kuna yanaptʼanakatï utjkistu ukanak wali sum apnaqtʼañwa yatiñasa. Diosan apayanit suma yatiyäwinaka sat folletojja, jaqenakaru suma yatiyäwinak yatichañatakiw wakichtʼasiwayi. Ukhamasti, jaqenakar nayrïr kuti visitʼkasaw uta punkupan Bibliat yatichañ qalltsna.
Aka phajjsejj ak lurañatak chʼamachasiñäni:
Bibliat yatichañ qalltañ munañatakejja, Diosaruw mayisiñasa. Bibliat yatjjatañ munirinakar jikjjatañatakis mayisiñasarakiwa ukat Bibliat sum yatichañatakisa Juparuw mayisiñasaraki (Fili. 2:13).
Familian Diosar Yupaychañatak Arumanwa, jan ukajj Bibliat sapak yatjjatkasaw kunjamsa yatichañ qalltsna uk yatsuñasa. Ukhamatwa, parlañ jan ajjsarkañäniti ukat yatiykasas uta punkupan yatichañ qalltaraksna.