Зәбур
Давудун мәзмуру.
א [Алеф]*
25 Сәнә үз тутмушам, еј Јеһова,
ב [Бет]
2 Еј Аллаһым, Сәнә ҝүвәнмишәм,
Мәни хәҹаләтдә гојма.
Гојма дүшмәнләрим һалыма ҝүлсүн.
ג [Гимел]
3 Үмидини Сәнә бағлајанларын һеч бири хәҹил олмаз,
Наһагдан мәнә бадалаг ҝәләнләр исә рүсвај олар.
ד [Далет]
4 Мәнә јолларыны ҝөстәр, еј Јеһова,
Мәнә јолларыны өјрәт.
ה [Һе]
5 Мәни һагг јолунда јерит, мәнә тәлим вер,
Еј Аллаһым, Сәнсән хиласкарым.
ו [Вав]
Әлим һәр заман Сәнин әтәјиндәдир.
ז [Зајн]
6 Еј Јеһова, мәрһәмәтини, мәһәббәтини јада сал,
Онлары әзәлдән бәри ҝөстәрирсән.
ח [Хет]
7 Нә олар, ҹаванлыг сәһвләрими, ҝүнаһларымы јадына салма.
Кәрамәтин наминә, еј Јеһова,
Мәни мәһәббәтинлә хатырла.
ט [Тет]
8 Јеһова кәрамәтлидир, һагдыр,
О, ҝүнаһкара дүзҝүн јашамағы өјрәдир.
י [Јуд]
9 О, һәлимләри доғрулуға јөнәлдәр,
Онлара Өз јолуну өјрәдәр.
כ [Каф]
10 Әһдинә, өјүдләринә табе оланлар үчүн
Јеһованын бүтүн јоллары мәһәббәт вә сәдагәт јолудур.
ל [Ламед]
11 Адын наминә, еј Јеһова,
Мәни бағышла, һәрчәнд ҝүнаһым бөјүкдүр.
מ [Мем]
12 Ким ки Јеһовадан горхур,
Аллаһ она лазыми јолу ҝөстәрәҹәк.
נ [Нун]
13 Фираванлыг ҝөрәр о инсан,
Нәсли дә* јери мирас алаҹаг.
ס [Самех]
14 Јеһовадан горханларын пајы Онун достлуғудур,
О, онлара Өз әһдини билдирир.
ע [Ајн]
15 Ҝөзләрими Јеһоваја дикмишәм,
О, ајағымы тордан гуртарар.
פ [Пе]
16 Нә олар, үзүнү мәнә чевир, мәнә лүтф ҝөстәр,
Ахы тәнһајам, начарам.
צ [Тсаде]
17 Көнлүмүн губары артыб,
Гәм јүкүнү үстүмдән ҝөтүр.
ר [Рејш]
18 Дәрдими, әзабымы ҝөр,
Бүтүн ҝүнаһларымы әфв ет.
19 Бах, ҝөр дүшмәнләрим нә гәдәрдир,
Мәнә амансыз нифрәт едирләр.
ש [Шин]
20 Ҹанымы һифз ет, мәни гуртар,
Гојма рүсвај олум, ахы Сәнә сығынмышам.
ת [Тав]
21 Гој камиллик вә дүрүстлүк мәни горусун,
Чүнки үмидим Сәнсән.
22 Еј Аллаһым, Исраили бүтүн бәлалардан гуртар.