Әсаслы сурәтдә шаһидлик етмәјә гәтијјәтли ол
«[О,] халга тәблиғ едиб [«әсаслы сурәтдә», ЈД] шаһидлик етмәји бизә әмр етди» (ҺӘВ. ИШ. 10:42).
1. Корнелиусун өнүндә данышаркән Петер һансы әмри вурғулады?
ИТАЛИЈАЛЫ бир јүзбашы гоһумларыны вә достларыны топламышды — Аллаһын инсанларла мүнасибәтиндә бөјүк дәјишиклик ҝөзләнилирди. Аллаһдан горхан бу јүзбашы Корнелиус иди. Һәвари Петер онлара мүраҹиәтиндә билдирди ки, һәвариләрә «халга тәблиғ едиб» Иса һаггында ‘[«әсаслы сурәтдә», ЈД] шаһидлик етмәк’ әмр едилиб. Петерин тәблиғи бир чох ҝөзәл бәһрәләр верди. Сүннәт олунмамыш гејри-јәһудиләр Аллаһдан мүгәддәс руһ алыб вәфтиз олунду вә Иса илә ҝөјдә падшаһ олмаг үмидини алдылар. Петерин бу инсанлара әсаслы сурәтдә шаһидлик етмәси неҹә дә ҝөзәл бәһрәләр верди! (Һәв. иш. 10:22, 34-48).
2. Шаһидлик етмәк тапшырығынын јалныз 12 һәваријә верилмәдијини һарадан билирик?
2 Бу һадисә ерамызын 36-ҹы илиндә баш вермишди. Бундан тәхминән ики ил өнҹә мәсиһчилијин гаты дүшмәни олан бир инсан һәјатыны тамамилә дәјишән бир һадисә јашады. Тарсуслу Шаул Дәмәшгә ҝедәндә Иса она ҝөрүнүб деди: «Шәһәрә ҝет вә нә едәҹәјин сәнә сөјләнәҹәкдир». Иса шаҝирд Һананјаны әмин етди ки, Шаул «гејри-јәһудиләр, һөкмдарлар вә Исраил оғуллары гаршысында» шаһидлик едәҹәкдир. (Һәвариләрин ишләри 9:3-6, 13-20 ајәләрини оху.) Һананја Шаулун јанына ҝәлиб деди: «Әҹдадымызын Аллаһы... сәни тәјин етди... Чүнки... бүтүн инсанлар гаршысында Онун шаһиди олаҹагсан» (Һәв. иш. 22:12-16). Сонрадан Павел кими танынан тарсуслу Шаул шаһидлик етмәк тәјинатына нә дәрәҹәдә ҹидди јанашды?
О, әсаслы сурәтдә шаһидлик едирди!
3. а) Биз нәји мүзакирә едәҹәјик? б) Ефесли ағсаггаллар Павелдән хәбәр аланда неҹә һај вердиләр вә бу бизим үчүн һансы саһәдә ҝөзәл нүмунәдир?
3 Павелин бундан сонра етдикләрини тәфсилаты илә өјрәнмәк мараглы оларды, амма инди ҝәл ерамызын тәхминән 56-ҹы илиндә Павелин сөјләдији вә «Һәвариләрин ишләри» китабынын 20-ҹи фәслиндә јазылан нитгә диггәт јетирәк. Павел бу нитги үчүнҹү миссионер сәјаһәтинин сонуна јахын сөјләмишди. О, Еҝеј дәнизинин саһилиндә јерләшән лиман шәһәри Милетә ҝәлиб, Ефес јығынҹағынын ағсаггалларыны јанына чағыртдырмышды. Ефес бу шәһәрдән тәхминән 50 километр аралыда јерләширди вә ора ҝедән јол әјри-үјрү иди. Павелдән хәбәр аланда ефесли ағсаггалларын неҹә севиндикләрини тәсәввүр ет. (Сүлејманын мәсәлләри 10:28 ајәси илә мүгајисә ет.) Бунунла јанашы, Милетә ҝетмәк үчүн онлар планларында дәјишиклик етмәли идиләр. Еһтимал ки, онлардан бәзиләри ишдән иҹазә алмалы вә јахуд дүканларыны мүвәггәти бағламалы олдулар. Бу ҝүн дә бир чох мәсиһчиләр вилајәт конгресинин бир һиссәсини белә бурахмамаг үчүн бу ҹүр давранырлар.
4. Ефесдә олдуғу бир нечә ил әрзиндә Павел һансы ишлә мәшғул олурду?
4 Сәнҹә, ағсаггаллар ҝәләнә кими Павел үч-дөрд ҝүн әрзиндә Милетдә нә едирди? Бәс сән нә едәрдин? (Һәвариләрин ишләри 17:16, 17 ајәләри илә мүгајисә ет.) Павелин Ефесли ағсаггаллара дедији сөзләр бу суалын ҹавабыны өјрәнмәјимизә көмәк едир. О, һәм узун илләр әрзиндә, һәм дә бундан өнҹә Ефесдә оларкән тәблиғ етдијини һәмин ағсаггаллара данышды. (Һәвариләрин ишләри 20:18-21 ајәләрини оху.) О, сөјләдикләринин башгаларында шүбһә ојатмајаҹағыны биләрәк деди: ‘Асија әјаләтинә ајаг басдығым илк ҝүндән бәри [‘әсаслы сурәтдә шаһидлик етдијими’, ЈД] өзүнүз билирсиниз’. Бәли, Павел Исадан алдығы тапшырығы јеринә јетирмәјә гәти гәрарлы иди. О бу тапшырығы Ефесдә неҹә иҹра едирди? Мәсәлән, о, јәһудиләрин чох олдуғу јерләрә ҝедәрәк онлара шаһидлик едирди. Лука хәбәр верир ки, ерамызын тәхминән 52-55-ҹи илләриндә Павел синагогда нитг сөјләјир вә инандырыҹы дәлилләр ҝәтирирди. Јәһудиләр «инадҹыл олуб... инанмаг истәмәдикдә» о, диггәтини шәһәрин диҝәр сакинләринә јөнәлдиб тәблиғинә давам едирди. Ҝөрдүјүмүз кими, Павел бу бөјүк шәһәрдә һәм јәһудиләрә, һәм дә јунанлара шаһидлик едирди (Һәв. иш. 19:1, 8, 9).
5, 6. Нәјә ҝөрә әмин ола биләрик ки, Павелин евдән-евә тәблиғ етдији инсанлар мәсиһчи олмајан инсанлар иди?
5 Ефесдә мәсиһчи оланларын бәзиләри бир мүддәт сонра ағсаггал кими хидмәт етмәјә лајиг ҝөрүлмүшдү вә Павел Милетдә бу ағсаггалларла данышмышды. Павел өзүнүн истифадә етдији үсулу онлара хатырладараг деди: «Сизә фајдалы олан һеч бир шеји бәјан етмәкдән, истәр ачыгҹа, истәрсә дә евдән-евә сизә тәлим етмәкдән чәкинмәдим». Бизим ҝүнләрдә бәзиләри иддиа едирләр ки, Павел бурада садәҹә ағсаггалларын иманлылара баш чәкмәси һагда данышырды. Амма бу, белә дејил. ‘Ачыгҹа вә евдән-евә тәлим етмәк’ ифадәси әсас етибарилә мәсиһчи олмајанлара шаһидлик етмәјә аиддир. Бу, Павелин нөвбәти сөзләриндән ајдын ҝөрүнүр. О дејир: «Аллаһа төвбә вә Рәббимиз Иса Мәсиһә иман етмәји јәһудиләрә вә јунанлара ҹидди тапшырдым [«шәһадәт етдим», КМ]». Ајдындыр ки, Павел төвбә етмәјә вә Исаја иман ҝәтирмәјә еһтијаҹы олан гејри-мәсиһчиләрә шаһидлик едирди (Һәв. иш. 20:20, 21).
6 Јунанҹа Мүгәддәс Јазылары һәртәрәфли арашдыран бир алим Һәвариләрин ишләри 20:20 ајәси һагда јазыр: «Павел Ефесдә үч ил јашады. О, һәр евә баш чәкмиш вә ја ән азы бүтүн халга тәблиғ етмишди (26-ҹы ајә). Мәһз бу ајә евдән-евә вә ачыгҹа тәблиғ етмәк үчүн әсасдыр». Бу алимин дедији кими Павел сөзүн әсл мәнасында һәр евә баш чәкиб-чәкмәсә дә, о, ефесли ағсаггалларынын онун неҹә шаһидлик етдијини вә бунун ҝәтирдији бәһрәләри унутмаларыны истәмирди. Лука јазырды: «Асија әјаләтиндә јашајан һәм јәһуди, һәм дә јунанларын һамысы Рәбб Иса һаггындакы кәламы ешитдиләр» (Һәв. иш. 19:10). Бәс Асијада јашајанларын «һамысы» неҹә ешитди вә бу бизим шаһидлик етмәјимиз һагда нәји ҝөстәрир?
7. Павелин бирбаша тәблиғ етмәдији инсанлар хош хәбәри неҹә ешидә биләрдиләр?
7 Павел иҹтимаи јерләрдә вә евдән-евә тәблиғ едәндә онун чатдырдығы хәбәри чохлары ешидирди. Тәбии ки, бу хәбәри ешидәнләрин бәзиләри мүхтәлиф сәбәбләрә ҝөрә Ефесдән ҝетдиләр: ким исә ишләмәк, гоһумларына баш чәкмәк вә ја бөјүк шәһәр һәјатынын сәс-күјүндән гачмаг үчүн башга јерә көчдү. Бу ҝүн дә бир чохлары бу сәбәбләрә ҝөрә башга јерләрә көчүрләр. Ола билсин, сән дә онлардан бирисән. Ејни заманда башга јерләрдән дә Ефесә киминләсә ҝөрүшмәк, јахуд алвер етмәк мәгсәдилә инсанлар ҝәлирдиләр. Онлар бурада Павели ја ҝөрә, ја да онун шаһидлијини ешидә биләрдиләр. Һәгигәти гәбул едәнләр евләринә гајыданда шаһидлик едирдиләр. Гәбул етмәјәнләр исә Ефесдә олдуглары мүддәтдә ешитдикләрини, ола билсин, башгаларына данышырдылар. Беләликлә, онларын гоһумлары, гоншулары вә ја мүштәриләри һәгигәти ешидир вә бәзиләри, ола билсин, ону гәбул едирди. (Марк 5:14 ајәси илә мүгајисә ет.) Бу бизим хош хәбәри әсаслы сурәтдә тәблиғ етмәјимизин нәтиҹәләри һагда нәји ачыглајыр?
8. Асија әјаләтинин сакинләри һәгигәти неҹә ешидә биләрдиләр?
8 Ефесдә хидмәт етдији еркән вахт һаггында Павел јазыр ки, гаршысында «фәалијјәт үчүн ҝениш гапы ачылмышдыр» (1 Кор. 16:8, 9). Сөһбәт һансы гапыдан ҝедир вә бу гапы неҹә ачылмышды? Павелин Ефесдә узунмүддәтли хидмәти заманы хош хәбәр ҝениш вүсәт алмышды. Ефесдән аралыда јерләшән Колос, Лаодикија вә Ијераполис шәһәрләринә нәзәр салаг. Павел һеч вахт бу шәһәрләрдә олмаса да, хош хәбәр оралара ҝәлиб чатмышды. Епафра һәмин әразидән иди (Колос. 2:1; 4:12, 13). Епафра Павелин шаһидлијини Ефесдәми ешидиб мәсиһчи олду? Мүгәддәс Китабда бу һагда конкрет бир шеј јазылмајыб. Епафра һәгигәти өз мәмләкәтиндә тәблиғ етмәклә, демәк олар ки, Павели тәмсил едирди (Колос. 1:7). Павел Ефесдә тәблиғ етдији илләр әрзиндә хош хәбәр, еһтимал ки, Филаделфија, Сардис вә Тиатира кими шәһәрләрә чатмышды.
9. а) Павел нәји үрәкдән арзулајырды? б) 2009-ҹу ил үчүн иллик ајә һансыдыр?
9 Ефес ағсаггалларынын Павелин сөзләринә диггәт јетирмәк үчүн тутарлы сәбәбләри варды: «Мән өз һәјатыма гијмәт вә әһәмијјәт вермирәм. Јетәр ки, дөврүмү севинҹлә битирим вә Рәбб Исадан алдығым вәзифәни, јәни Аллаһын лүтфү һаггындакы Мүждәјә [«әсаслы сурәтдә», ЈД] шәһадәт етмәји тамамлајам». Бу ајәдә олан тәшвигедиҹи сөзләр 2009-ҹу ил үчүн иллик ајә сечилиб: ‘Мүждәјә әсаслы сурәтдә шәһадәт ет’ (Һәв. иш. 20:24).
Әсаслы сурәтдә шаһидлик едирик
10. Һарадан билирик ки, биз дә әсаслы сурәтдә шаһидлик етмәлијик?
10 ‘Халга тәблиғ едиб әсаслы сурәтдә шаһидлик етмәк’ әмри јалныз һәвариләрә верилмәмишди. Дирилмиш Иса Мәсиһ Галилејада топлашан тәхминән 500 шаҝирдә демишди: «Беләликлә, ҝедин, бүтүн халглары шаҝирдим един, онлары Ата, Оғул вә Мүгәддәс Руһ наминә вәфтиз един». Исанын: «Будур, Мән, дөврүн сонуна гәдәр һәр ҝүн сизинләјәм» сөзләриндән ҝөрүндүјү кими, бу әмр бу ҝүн бүтүн һәгиги мәсиһчиләрә аиддир (Мат. 28:19, 20).
11. Јеһованын Шаһидләри һансы ваҹиб ишләри илә танынырлар?
11 Чалышган мәсиһчиләр ‘мүждәјә әсаслы сурәтдә шаһидлик етмәклә’ бу әмрә табе олурлар. Павелин Ефес ағсаггалларына хатырлатдығы кими, бизим дә әсас шаһидлик етмәк үсулумуз евдән-евә тәблиғдир. Кичик Девид Стүартын еффектив миссионер ишинә даир јаздығы китабда (2007-ҹи ил) гејд едилир: «Јеһованын Шаһидләринин башгаларына өз иманларыны бөлүшмәји неҹә өјрәтмәләри нәзәри үсулдан [кафедрадан тәблиғ етмәкдән] даһа еффективдир. Өз етигадлары һагда башгаларына данышмаг Јеһованын Шаһидләринин әксәријјәтинин севимли мәшғулијјәтидир». О давам едир: «Ики Шәрги Авропа өлкәсинин пајтахтында апардығым сорғу нәтиҹәсиндә мәлум олду ки, 1999-ҹу илдә 2-4 фаиз инсана Сон Ҝүнләрин Мүгәддәсләри адланан “Мормон” миссионерләри јахынлашмышды. Сорғуда иштирак едәнләрин 70 фаиздән чоху Јеһованын Шаһидләринин онлара шәхсән, әксәријјәтинә исә дәфәләрлә јахынлашдығыны деди».
12. а) Нәјә ҝөрә биз әразимиздә јашајан инсанларын гапыларыны «дәфәләрлә» дөјүрүк? б) Ҝәтирдијимиз хәбәрә мүнасибәти дәјишән бир нәфәрин нүмунәсини чәк.
12 Еһтимал ки, сизин әразидә јашајан инсанлар да ејни шеји дејә биләрләр. Ола билсин, онлара јахынлашанлардан бири дә сән олмусан. Сән евдән-евә тәблиғ заманы гапы ағзында кишиләрлә, гадынларла вә ҝәнҹләрлә сөһбәт едәркән онлара ‘шәхсән јахынлашмыш’ олурсан. Бәзиләринә «дәфәләрлә» јахынлашсан да, ола билсин, онлар сәнә гулаг асмајыблар. Башгаларына исә Мүгәддәс Китабдан бир ајә охујанда вә ја һәр һансы фикирлә бөлүшәндә, јәгин, аз да олса, сәнә гулаг асыблар. Диҝәрләринә исә јахшы шаһидлик етмисән вә онлар хош хәбәрә һај верибләр. ‘Әсаслы сурәтдә шаһидлик едәркән’ бүтүн бу вәзијјәтләрлә гаршылашмағымыз ади һалдыр. Јәгин, сән елә инсанлар таныјырсан ки, онлара дәфәләрлә шаһидлик едилмәсинә бахмајараг, аз мараг ҝөстәрмиш, лакин сонрадан һәгигәтә мүнасибәти дәјишмишдир. Ола билсин, онларла вә ја әзизләри илә елә бир шеј баш вермишдир ки, бу онларын үрәјини вә зеһнини ачмышдыр. Һазырда бу инсанлар бизим баҹы вә гардашларымыздыр. Сон вахтларда һәгигәтә мараг ҝөстәрәнләр аз олса да, мәјуслуға гапылма. Биз һамынын һәгигәтә ҝәләҹәјини ҝөзләмирик. Аллаһын истәји одур ки, биз даим сәјлә вә чалышганлыгла әсаслы сурәтдә шаһидлик едәк.
Ҝөзләмәдијимиз нәтиҹәләр
13. Шаһидлик етмәјимиз һансы ҝөзләмәдијимиз нәтиҹәләри верә биләр?
13 Павелин хидмәти јалныз билаваситә мәсиһчи олмаларына көмәк етдији инсанлара тәсир етмәмишди. Еләҹә дә бизим хидмәтимиздән тәкҹә шәхсән тәблиғ етдијимиз инсанлар јарарланмыр. Биз мәгсәдјөнлү шәкилдә евдән-евә тәблиғ етмәкдә мүнтәзәм иштирак едир вә мүмкүн гәдәр чох инсана шаһидлик етмәјә чалышырыг. Хош хәбәри гоһум-гоншулара, иш вә синиф јолдашларымыза данышырыг. Бүтүн бунларын һансы бәһрәләр ҝәтирәҹәјини әввәлҹәдән билирикми? Бәзи һалларда нәтиҹә дәрһал јахшы олур. Диҝәр һалларда исә һәгигәт тохуму көк вериб ҹүҹәрәнә гәдәр чох вахт кечә биләр. Һәгигәт тәблиғ етдијимиз инсанларын үрәјиндә көк салмаса да, онлар етигадларымыз, данышдыгларымыз вә һәрәкәтләримиз һагда башгаларына даныша биләрләр. Беләликлә, бу инсанлар өзләри дә билмәдән һәгигәт тохумунун сәмәрәли торпаға дүшмәсинә сәбәб ола биләрләр.
14, 15. Бир гардашын тәблиғи һансы нәтиҹәләри верди?
14 АБШ-ын Флорида штатында јашајан бир әр-арвадын — Рајн вә Мендинин нүмунәсинә нәзәр салаг. Рајн иш јолдашына тәблиғ етмишди. Рајнын ҝејим вә данышыг тәрзи һинду милләтиндән олан бу инсана бөјүк тәәссүрат бағышлады. Сөһбәт заманы Рајн дирилмә вә өлүләрин вәзијјәти кими мөвзулара тохунду. Јанвар ахшамларынын бириндә һәмин адам арвады Ҹодидән Јеһованын Шаһидләри һагда нә билдијини сорушду. Онун католик олан арвады Јеһованын Шаһидләринин тәкҹә «евдән-евә тәблиғ етдикләри» һагда билдијини сөјләди. Ҹоди Интернетдә «Јеһованын Шаһидләри» һагда мәлумат ахтарды вә бу ону рәсми сајтымыза ҝәтириб чыхарды (www.wатҹһтоwер.орҝ). Тәхминән үч ај әрзиндә Ҹоди, Мүгәддәс Китаб вә ону марагландыран мәгаләләр дә дахил олмагла, һәмин сајтдан мүхтәлиф материаллар охуду.
15 Сонра о, Мендијә раст ҝәлди, онларын һәр икиси дә тибб баҹысы иди. Менди бөјүк мәмнунијјәтлә Ҹодинин суалларына ҹаваб верди. Ҹодинин дедији кими, онлар «Адәмдән Һар-Меҝидона» гәдәр бүтүн мөвзулары мүзакирә етдиләр. Ҹоди Мүгәддәс Китабы өјрәнмәјә разылыг верди. О, тезликлә Падшаһлыг Залында кечирилән ҝөрүшләрә ҝәлмәјә башлады. Ҹоди октјабрда тәблиғчи олду, февралда исә вәфтиз олунду. О јазыр: «Һәгигәти билдијим үчүн инди һәјат мәнә севинҹ вә мәмнунлуг ҝәтирир».
16. Флоридада јашајан бир гардашымызын әсаслы сурәтдә тәблиғ етмәсиндән нә өјрәнә биләрик?
16 Рајн һеч ағлына белә ҝәтирмәзди ки, онун бир нәфәрә тәблиғ етмәси сајәсиндә башга бириси һәгигәтә ҝәләҹәк. Бу һалда онун ‘әсаслы сурәтдә шаһидлик етмәјә’ гәти гәрарлы олмасынын һансы нәтиҹәләр ҝәтирдијиндән хәбәри олду. Амма сәнин евдән-евә, ишдә, мәктәбдә вә ја гејри-формал тәблиғ едәндә хош хәбәрин тамамилә башга инсанлара да чатаҹағындан хәбәрин олмаја да биләр. Һәвари Павелин Асија әјаләтиндә тәблиғинин һансы бәһрәләр ҝәтирәҹәјиндән хәбәри олмадығы кими, бизим дә әсаслы сурәтдә шаһидлик етмәјимизин нә илә нәтиҹәләнәҹәјиндән хәбәримиз олмаја биләр. (Һәвариләрин ишләри 23:11; 28:23 ајәләрини оху.) Буна бахмајараг, бу иши давам етдирмәк олдугҹа зәруридир.
17. Сән 2009-ҹу илдә нә етмәјә гәти гәрарлысан?
17 Ҝәлин һамымыз 2009-ҹу ил әрзиндә дә евдән-евә вә башга үсулларла тәблиғ етмәк тапшырығына ҹидди јанашаг. Онда биз дә Павел кими дејә биләрик: «Мән өз һәјатыма гијмәт вә әһәмијјәт вермирәм. Јетәр ки, дөврүмү севинҹлә битирим вә Рәбб Исадан алдығым вәзифәни, јәни Аллаһын лүтфү һаггындакы Мүждәјә [«әсаслы сурәтдә», ЈД] шәһадәт етмәји тамамлајам».
Неҹә ҹаваб верәрдиниз?
• Һәвари Петер, Павел вә диҝәрләри биринҹи әсрдә әсаслы сурәтдә неҹә шәһадәт едирдиләр?
• Нәјә ҝөрә сәнин шаһидлик етмәјин ҝөзләмәдијин бәһрәләр верә биләр?
• 2009-ҹу илин иллик ајәси һансыдыр вә бу ајә нәјә ҝөрә јериндәдир?
[19-ҹу сәһифәдәки чәрчивә]
2009-ҹу ил үчүн иллик ајә: ‘Мүждәјә әсаслы сурәтдә шәһадәт ет’ (Һәв. иш. 20:24, ЈД).
[17-ҹи сәһифәдәки шәкил]
Ефес јығынҹағынын ағсаггаллары Павелин евдән-евә шаһидлик етдијини билирдиләр
[18-ҹи сәһифәдәки шәкил]
Сәнин әсаслы сурәтдә шәһадәт етмәјин һансы бәһрәләри ҝәтирәҹәк?