Хидмәтдә сә’јимизи горумалыјыг
1 Јеһованын сә’јли Шаһидләри 1992-ҹи илдән е’тибарән Падшаһлығын үмумдүнја тәблиғ вә шаҝирд һазырламаг ишинә һәр ил бир милјарддан артыг саат һәср едирләр. Бу ҹүр мөһтәшәм ишдә бизим дә кичик пајымызын олмасы неҹә дә севиндириҹидир! (Мат. 28:19, 20).
2 Әлбәттә, бүтүн иззәт вә миннәтдарлыг, бу «чәтин анлар»да хидмәтимиздә бизә дајаг олан Јеһова Аллаһа мәхсусдур (2 Тим. 3:1). Бу ваҹиб иши сә’јлә давам етдирмәк истәјириксә, биздән нә тәләб олунур?
3 Сә’јли олмаг үчүн сәбәб. Аллаһа вә инсанлара бәсләдијимиз дәрин мәһәббәт, о ҹүмләдән һәср олунмағымыза ујғун јашамаг арзусу бизи Падшаһлыг һаггында тәблиғ етмәјә тәшвиг едир (Мат. 22:37-39; 1 Јәһ. 5:3). Мәһәббәт бизи фәдакарлыг ҝөстәрмәјә сөвг етдији үчүн биз тәблиғ ишиндә там сурәтдә иштирак едирик (Лука 9:23).
4 Сә’јинизи горумаға чалышын. Бизим дүшмәнимиз Иблис хидмәтдә ҝөстәрдијимиз сә’ји вар гүввәси илә зәифләтмәјә чалышыр. Бизи руһдан салмаг үчүн о, саһәмиздәки инсанларын лагејдлијиндән, дүнјанын јајындырыҹы тә’сириндән, ҝүндәлик гајғылардан вә ҝет-ҝедә писләшән сәһһәтимиздән истифадә едир.
5 Бу сәбәбдән, биз чох чалышмалыјыг ки, сә’јимизи итирмәјәк. ‘Илк мәһәббәтимизи’ ҝүҹләндирмәк зәруридир. Бунун үчүн Аллаһын Кәламы олан Мүгәддәс Китабы мүнтәзәм охумалы, үзәриндә дүшүнмәли, һәмчинин Јеһованын «садиг вә ағыллы гул» васитәсилә тәгдим етдији һәр шејдән там фајдаланмалыјыг (Вәһј 2:4; Мат. 24:45; Мәз. 119:97).
6 Мүгәддәс Китаб пејғәмбәрликләринин ајдын шәкилдә ҝөстәрдији кими, Јеһованын аллаһсыз инсанлары мәһв етмәк үчүн тә’јин етдији ҝүн сүр’әтлә јахынлашыр (2 Пет. 2:3; 3:10). Ҝәлин буну јадымызда мөһкәм сахлајаг, Падшаһлыг һаггында хош хәбәрин үмумдүнја тәблиғиндә вә шаҝирдләр һазырламаг ишиндә там сурәтдә иштирак етмәклә сә’јимизи горујаг!