«Сәндән јахшы пионер олар!»
1. Бир баҹы өз пионер хидмәти һаггында нә дүшүнүр?
1 «Елә бир иш танымырам ки, мәнә бу гәдәр мәмнунлуг вә руһани фајда ҝәтирсин». Бу сөзләри Кете Палм адлы бир баҹы дејир. О, узун илләр Чилинин бир тәрәфиндән Ҹәнуби Американын диҝәр әразиләринә гәдәр фәдакарҹасына пионер кими хидмәт едирди. Таммүддәтли хидмәт едәнләрин мәналы һәјатлары үзәриндә дүшүнән кимсә јәгин сәнә нөвбәти сөзләри дејиб: «Сәндән јахшы пионер олар!»
2. Руһани ишләрин нәјә ҝөрә дәрин мәмнунлуг ҝәтирдијини изаһ ет.
2 Мәмнунлуг ҝәтирән һәјат тәрзи. Нүмунәмиз олан Иса Атасынын ирадәсини јеринә јетирмәкдән әсил тәравәт әлдә едирди (Јәһ. 4:34). Буна ҝөрә дә Иса сәмими-гәлбдән шаҝирдләринә Јеһоваја ибадәтлә бағлы ишләрлә мәшғул олмағын әсил мәмнунлуг ҝәтирдијини өјрәдирди. Јеһованы разы салан ишләрлә долу өмүр сүрәндә мәмнунлуг дујуруг. Бундан әлавә, башгаларына көмәк етмәк үчүн даһа чох вахт, ҝүҹ вә вәсаит сәрф едәндә севинҹимиз бирә-беш артыр (Һәв. иш. 20:31, 35).
3. Хидмәтдә даһа чох иштирак етмәклә һансы севинҹи дуја биләрик?
3 Хидмәтдә нә гәдәр чох иштирак етсәк, бир о гәдәр дә Мүгәддәс Китаб өјрәнмәсинә башламағын вә кечирмәјин ҝәтирдији севинҹи дујаҹағыг. Һәтта саһәмиздә јашајан бир чох инсанларын лагејд олдугларыны дүшүнсәк дә хидмәтдә тәҹрүбәјә вә баҹарыға јијәләндикҹә саһәмизин әввәлләр дүшүндүјүмүздән даһа сәмәрәли олдуғуну ҝөрәҹәјик. Пионерләр бир ил хидмәт етдикдән сонра Пионер Хидмәти Мәктәбиндә әлдә етдикләри бол-бол биликләри тәтбиг едә биләрләр (2 Тим. 2:15). Хидмәтдә ҹанла-башла чалышдыгҹа сонралар сәмәрә ҝәтирәҹәк һәгигәт тохумларыны даһа јахшы әкәҹәјик (Ваиз 11:6).
4. Ҝәнҹләр орта мәктәби битирәнә јахын нә һагда дүшүнмәлидирләр?
4 Ҝәнҹләр. Орта мәктәби битирдикдән сонра нә едәҹәјин барәдә ҹидди дүшүнмүсәнми? Индијә кими вахтынын чох һиссәсини ев тапшырыгларыны јеринә јетирмәјә сәрф едирдин. Мәктәби битирдикдән сонра һәмин вахты нәјә сәрф едәҹәксән? Дүнјәви карјера далынҹа дүшмәкдәнсә нәјә ҝөрә дуа едәрәк даими пионер олмаг һаггында дүшүнмәјәсән? Мүхтәлиф мәдәнијјәтләрдән олан инсанлара шаһидлик вермәк, тәрәддүдүн өһдәсиндән ҝәлмәк, өзүнә һаким олмаг вә өјрәтмәк баҹарығыны инкишаф етдирмәк кими габилијјәтләрә јијәләнмәк сәнә һәјаты боју фајда ҝәтирәҹәк.
5. Валидејнләр вә јығынҹаг үзвләри башгаларыны пионер хидмәтинә неҹә тәшвиг едә биләрләр?
5 Валидејнләр, ушагларынызы таммүддәтли хидмәтә јөнәлдәрәк үзәринизә дүшән мәсулијјәти јеринә јетирирсинизми? Сизин сөзләринизин вә јахшы нүмунәнизин Падшаһлығын марагларыны биринҹи јерә гојмагда онлара бөјүк көмәји дәјә биләр (Мат. 6:33). Орта мәктәби битирдикдән сонра пионер хидмәтинә башлајан Реј хатырлајыр: «Анам һәмишә дејәрди ки, пионер хидмәти ән мәмнунедиҹи һәјат јолудур». Јығынҹағын бүтүн үзвләри һәм сөзләрилә, һәм дә дәстәк олмалары илә бир-бириләрини пионер хидмәтинә тәшвиг едә биләрләр. Испанијадан олан Хосе дејир: «Мәнимлә ејни јығынҹагда олан баҹы-гардашлар пионер хидмәтинин ҝәнҹләр үчүн ән јахшы иш олдуғуну дүшүнүрләр. Практики көмәк етмәклә јанашы, онларын шәрһләри вә пионер хидмәтинә ҝөрә миннәтдарлыглары сајәсиндә мәнә пионер хидмәтинә башламаг даһа да асан олду».
6. Һал-һазырда пионер олмаг истәмириксә, нә едә биләрик?
6 Тәрәддүдүн өһдәсиндән ҝәл. Бәс әҝәр сән: «Мән пионер олмаг истәмирәм» дејирсәнсә, онда неҹә? Әҝәр белә дүшүнүрсәнсә, онда дуада өз һиссләрини Јеһоваја билдир вә она: «Билмирәм, пионер хидмәти мәнликдир, јохса јох, амма мән сәни разы салан иши ҝөрмәк истәјирәм» де (Мәз. 62:8; Сүл. мәс. 23:26). Сонра да Кәламы вә тәшкилаты васитәсилә вердији рәһбәрлији ахтар. Бир чох даими пионерләр илк әввәл көмәкчи пионер хидмәтини ‘дадмыш’ вә бундан дујдуглары севинҹ онлары таммүддәтли хидмәтдә иштирак етмәјә тәшвиг етмишдир (Мәз. 34:8).
7. Ај әрзиндә 70 саатлыг норманы чатдыра биләҹәјимизлә бағлы шүбһәләри неҹә дәф едә биләрик?
7 Бәс әҝәр ај әрзиндә 70 саатлыг норманы чатдыра биләҹәјинә әмин дејилсәнсә, онда неҹә? Нәјә ҝөрә сәнинлә ејни вәзијјәтдә олан пионерләрлә бу һагда данышмајасан? (Сүл. мәс. 15:22) Сонра бир нечә мүмкүн олан графикләр тәртиб ет. Бунунла да әһәмијјәтсиз ишләрә сәрф етдијин вахты хидмәтә ајырмағын әввәлләр фикирләшдијиндән даһа асан олдуғуну ҝөрәҹәксән (Ефес. 5:15, 16).
8. Нәјә ҝөрә вахташыры олараг шәраитимизи јенидән нәзәрдән кечирмәлијик?
8 Шәраитини јенидән нәзәрдән кечир. Шәраитимиз тез-тез дәјишир. Буна ҝөрә дә вахташыры олараг шәраитимизи јенидән нәзәрдән кечирмәк јахшы оларды. Мәсәлән, бу јахынларда тәгаүдә чыхаҹагсанмы? Тәгаүдә вахтындан тез чыхан Ранди дејир: «Бу гәрары гәбул етмәк мәнә јолдашымла бирликдә даими пионер хидмәтинә башламаға вә даһа чох еһтијаҹ олан әразиләрә көчүб орада хидмәт етмәјә имкан верди. Бу гәрарыма ҝөрә сајсыз-һесабсыз хејир-дуалар алдым. Амма мәним үчүн ән бөјүк хејир-дуа тәмиз виҹдан олду».
9. Әр-арвадлар нә һагда дүшүнмәлидирләр?
9 Бәзи әр-арвадлар шәраитләрини ҝөтүр-гој етдикдән сонра баша дүшмүшләр ки, һәр икисинин там иш ҝүнү ишләмәсинә еһтијаҹ јохдур. Бәли, аилә үзвләриндән һәјатларыны садәләшдирмәк тәләб олунса да, бунун үчүн гурбан вермәјә дәјәр. Хидмәтини ҝенишләндирмәк үчүн бу јахынларда ишдән чыхан арвады һаггында Ҹон дејир: «Арвадымын бүтүн ҝүнү руһани ишләрлә мәшғул олдуғуну билмәкдән јахшы нә ола биләр?»
10. Мәсиһчиләри пионер хидмәти һаггында дүшүнмәјә нә тәшвиг едир?
10 Мәһәббәтин вә иманын тәзаһүрү. Јеһова үчүн тәблиғ иши бизим едә биләҹәјимиз ишләрдән ән ваҹибидир. Тезликлә бу системин сону ҝәләҹәк вә јалныз Јеһованын адыны чағыранлар хилас олаҹаг (Ром. 10:13). Бүтүн гәлбимизлә Ону севмәјин вә бизим үчүн етдији шејләрә ҝөрә миннәтдар олмағын сајәсиндә Онун Оғлундан алдығымыз сәјлә тәблиғ етмәк тапшырығыны јеринә јетирәҹәјик (Мат. 28:19, 20; 1 Јәһ. 5:3). Бунунла јанашы, һәгигәтән дә ахыр ҝүнләрдә јашадығымыза иман етмәк бизи, һәлә вахт вар икән, дүнјадан там истифадә етмәк әвәзинә хидмәтдә әлимиздән ҝәләни етмәјә тәшвиг едәҹәк (1 Кор. 7:29—31).
11. Әҝәр кимсә бизә: «Сәндән јахшы пионер олар!» десә, буна неҹә јанашмалыјыг?
11 Даими пионер хидмәти өзүнә ај әрзиндә нәзәрдә тутулан норманы вермәкдән даһа чох шеји дахил едир; бунунла Аллаһа садиг галдығымызы ҝөстәририк. Беләликлә, әҝәр кимсә сәнә: «Сәндән јахшы пионер олар!» десә, буну бир тәриф кими гәбул ет. Һәмчинин бу мәмнунедиҹи хидмәтдә иштирак едәнләрин сырасында олмағын барәдә дуа едәрәк дүшүн.
[4-ҹү сәһифәдәки шәкил]
Валидејнләр, ушагларынызы таммүддәтли хидмәтә јөнәлдәрәк үзәринизә дүшән мәсулијјәти јеринә јетирирсинизми?
[5-ҹи сәһифәдәки шәкил]
Јеһова үчүн тәблиғ иши бизим едә биләҹәјимиз ишләрдән ән ваҹибидир.