Ушагларыныз һазырдыр?
1. Мәктәблиләр нәјә һазыр олмалыдырлар?
1 Артыг нөвбәти дәрс или јахынлашыр. Сөзсүз, ушагларыныз јени чәтинликләрлә вә тәзјигләрлә үзләшәҹәкләр. Һәмчинин онларын «һәгигәтә шәһадәт етмәк» үчүн јени имканлары јаранаҹаг (Јәһ. 18:37). Онлар буна һазырдырлармы?
2. Һазыр олмаг үчүн ушагларыныз нәји билмәлидирләр?
2 Ушагларыныз милли мәрасимләрдә вә бүтпәрәст бајрамларда иштирак етмәјин нә мәна дашыдығыны вә бунун нәјә ҝөрә сәһв олдуғуну ајдын баша дүшүрләрми? Онлар али тәһсил алмаг, киминләсә ҝөрүшмәк, спиртли ичкиләрдән вә наркотикдән истифадә етмәклә бағлы гаршылашаҹаглары тәзјигләрә һазырдырлармы? Һансыса һәрәкәтин онларын дининә зидд олдуғуну дејә биләрләрми? Јахуд да өз етигадларыны неҹә изаһ едәҹәкләрини билирләрми? (1 Пет. 3:15).
3. Валидејнләр аиләви ибадәт ахшамындан неҹә јарарлана биләрләр?
3 Аиләви ибадәт заманы. Әлбәттә, ола билсин, сиз дәрс или бојунҹа јаранан проблемләри мүзакирә едәҹәксиниз. Мәктәбдә јарана биләҹәк проблемләри габагҹадан ҝөтүр-гој етмәк үчүн хүсуси сәј ҝөстәрсәниз, мәктәбә ҝедәндә өвладыныз өзүнү даһа әмин һисс едәҹәк. Нәјә ҝөрә бир вә ја бир нечә аиләви ибадәт ахшамыны бу кими мәсәләләрин мүзакирәсинә һәср етмәјәсиниз? Ушаглардан мәктәбә ҝедәндә ән чох нә илә үзләшмәкдән горхдугларыны соруша биләрсиниз. Өтән илләрдә мүзакирә етдијиниз мөвзулары јенидән нәзәрдән кечирмәк олар, чүнки инди ушаглар бир аз бөјүјүбләр вә чох шеји баша дүшүрләр (Мәз. 119:95). Мүзакирәләринизә сәһнәҹикләр дә дахил едә биләрсиниз вә сиз орада мүәллими, һазырлыг мүәллимини вә ја синиф јолдашларындан бирини ојнаја биләрсиниз. Ушагларыныза Мүгәддәс Китаб васитәсилә ҹаваб вермәји, һәмчинин «Мүлаһизә» (рус.) вә «Ҝәнҹләрин суаллары» (рус.) кими вәсаитләрдән истифадә етмәји өјрәдин. Бир валидејн ушагларына һәр дәрс илинин башланғыҹында јени мүәллимләринә неҹә јахынлашмағы вә Јеһованын Шаһиди олдугларыны неҹә демәји сәһнәҹик васитәсилә өјрәдирди. («Ҝөзәтчи Гүлләси»нин 2010-ҹу ил 15 декабр сајынын 3—5-ҹи сәһифәләринә бахын.)
4. Ушагларына көмәк етмәк үчүн мүдрик валидејнләр нә едәҹәкләр?
4 Ахыр ҝүнләрдә мәсиһчи ҝәнҹләрин гаршылашдыглары чәтинликләр ҝет-ҝедә чохалыр (2 Тим. 3:1). Мүдрик валидејнләр јарана биләҹәк проблемләри сезәҹәк вә ушагларыны онлара һазырламаға чалышаҹаглар (Сүл. мәс. 22:3). Дәрс или башламамышдан габаг өвладыныза көмәк етмәк үчүн әлиниздән ҝәләни един.