Тәҹили јардым лазым ҝәләрсә...
Тәҹили јардым тәләб олунан һаллар гәфилдән баш верә биләр (Јаг. 4:14). Буна ҝөрә дә, узагҝөрән инсан бу кими вәзијјәтләрә мүмкүн гәдәр һазыр олмалыдыр (Сүл. мәс. 22:3). Һансы мүалиҹә вә проседуралары гәбул едәҹәјинә даир гәрар вериб јазмысанмы? Бунда сәнә «Тибдә гансыз мүалиҹә үсулу. Хәстәнин һүгугларыны позмадан она неҹә јардым етмәк олар?» (рус.) адлы ДВД-нин «Ганкөчүрмәнин алтернативләри. Елми-сәнәдли филмләр силсиләси» адлы икинҹи филми көмәк едәҹәк. Филмә бахдыгҹа ашағыдакы суаллара ҹаваб вермәјә чалышын. Филмдә ҹәрраһијјә әмәлијјаты ҝөстәрилән кадрлар олдуғундан, валидејнләр филмә ушагларынын бахмасына иҹазә вериб-вермәјәҹәкләринә өзләри гәрар вермәлидирләр.
1) Нәјә ҝөрә тибб саһәсиндә чалышанлар ганкөчүрмә мәсәләсини јенидән нәзәрдән кечирирләр? 2) Ган көчүрүлмәдән едилән мүрәккәб әмәлијјатлара даир үч нүмунә ҝәтирин. 3) Бүтүн дүнјада нә гәдәр һәким вә ҹәрраһ артыг гансыз мүалиҹә үсулундан истифадә едир? Онлар буну нә үчүн едирләр? 4) Сонунҹу клиник тәдгигатлар ганкөчүрмәјә даир нә ҝөстәрди? 5) Ганкөчүрмәдә тәһлүкәли олан нәдир? 6) Бир чох мүтәхәссисләр ганкөчүрмәнин алтернативләри һагда һансы нәтиҹәјә ҝәлмишләр? 7) Ганазлығына нә сәбәб олур? Инсан бәдәни нә дәрәҹәдә ҹидди ганазлығына таб ҝәтирә биләр? Онун өһдәсиндән неҹә ҝәлмәк олар? 8) Хәстәнин организминдә ганјаранманы неҹә стимуллашдырмаг олар? 9) Ҹәрраһијјә әмәлијјаты заманы ганитирмәни неҹә азалтмаг олар? 10) Балаҹа ушагларын мүалиҹәсиндә вә ја тәҹили вәзијјәтләрдә ган әвәзедиҹиләриндән истифадә етмәк олармы? 11) Кејфијјәтли мүалиҹәнин ән ваҹиб етик принсипләриндән бири һансыдыр?
Филмдә ҝөстәрилән мүәјјән мүалиҹә үсулу илә разылашыб-разылашмамаг виҹдан мәсәләси олса да, һәр һансы вәзијјәтлә үзләшәҹәјин аны ҝөзләмә, гәрарыны габагҹадан вер. Бу мәсәлә илә бағлы дүзҝүн билијә әсасланмыш гәрар вермәкдә сәнә «Аллаһын мәһәббәти» китабынын 7-ҹи фәслиндәки вә орада ҝөстәрилән «Бизим Падшаһлыг Хидмәтимиз»ин 2006-ҹы ил нојабр сајынын әлавә вәрәгәсиндәки мәлумат көмәк едәҹәк. Әҝәр вәфтиз олунмусанса, өз сечимини «Билдириш вә етибарнамә» сәнәдиндә ҝөстәр вә бу сәнәди һәмишә үстүндә ҝәздир.
[3 сәһифәдәки јазы]
Һансы мүалиҹә вә проседуралары гәбул едәҹәјинә даир гәрар вериб јазмысанмы?