Хатирә ҝеҹәси — илин ән мүһүм һадисәси!
1. Мәсиһин өлүмүнүн Хатирә ҝеҹәси нә вахт гејд олунаҹаг вә нәјә ҝөрә бу һадисә бизим үчүн хүсуси әһәмијјәт дашыјыр?
1 Апрелин 5-и ҹүмә ахшамы ҝүн батандан сонра биз Мәсиһин өлүмүнүн Хатирә ҝеҹәсини гејд едәҹәјик (Лука 22:19). Бу һадисә, доғрудан да, бөјүк әһәмијјәт кәсб едән бир һадисәдир! Јеһованын гаршысында сон нәфәсинә гәдәр садиглијини горумагла Иса Мәсиһ сүбут етди ки, инсан һәтта ән чәтин сынаглар алтында белә Аллаһа садиг галмағы баҹарар вә бунунла Јеһованын әдаләтли һөкмранлығыны дәстәкләјә биләр (Ибр. 5:8). Бундан әлавә, Мәсиһ һәјатыны гурбан вермәклә бәшәријјәтин сатын алынмасы үчүн камил гурбаны тәгдим етди, бунун сајәсиндә дә иманлы инсанларын әбәди јашамаг имканы јаранды (Јәһ. 3:16). Хатирә ҝеҹәсиндә иштирак етмәклә бизә ҝөстәрдији мәһәббәтә ҝөрә Јеһоваја, уғрумузда вердији гурбана ҝөрә исә Иса Мәсиһә миннәтдарлығымызы билдирмиш олуруг.
2. Бу мүһүм һадисәјә лајигли тәрздә неҹә һазырлаша биләрик?
2 Һамыны тәшвиг едирик ки, 2012-ҹи ил үчүн «Мүгәддәс Јазылары һәр ҝүн арашдырын» брошүрасында мартын 31-дән апрелин 8-ә кими олан тарихләрдә Хатирә ҝеҹәси илә әлагәдар верилән Мүгәддәс Китабын охунмасы ҹәдвәлинә риајәт етсинләр. Диггәти бәшәр тарихинин ән ваҹиб һәфтәсиндә баш вермиш һадисәләрә ҹәмләмәк үчүн һәмчинин јахшы оларды ки, «Ҝөзәтчи гүлләси» журналынын 2011–ҹи ил апрел—ијун сајынын 21—24-ҹү сәһифәләриндәки «Илин ән мүһүм һадисәсинә һазырсынызмы?» адлы мәгаләни аиләликлә мүзакирә едәсиниз.
3. Хатирә ҝеҹәсиндә мүмкүн гәдәр даһа чох инсанын иштирак етмәси үчүн нә едә биләрик?
3 Хатирә ҝеҹәси әрәфәсиндә тәблиғә даһа чох вахт сәрф едә биләрсәнми? Бир чох тәблиғчиләр март ајында беш шәнбә вә дөрд базар ҝүнү олдуғу үчүн фүрсәтдән истифадә едиб көмәкчи пионер кими хидмәт едәҹәкләр. Нијә сән дә бу ишдә онлара гошулмајасан? Биз һамымыз бир нәфәр кими вар ҝүҹүмүзлә хидмәт етмәклә инсанлара Хатирә ҝеҹәсиндә иштирак етмәјин нә гәдәр ваҹиб олдуғуну ҝөстәрә биләрик. Мүгәддәс Китабы өјрәтдијин инсанларын вә диҝәр мараглананларын һамысыны дәвәт етмәји унутма. Илдә ҹәми бир дәфә хүсуси тәрздә гејд едилмәли олан бу ҝүн һагда «Мүгәддәс Китаб әслиндә нә өјрәдир?» китабынын 206—208-ҹи сәһифәләриндә нә дејилдијини онларла мүзакирә ет.
4. 2012-ҹи илин ән мүһүм һадисәсинә неҹә јанашмалыјыг?
4 2012-ҹи илин ән ваҹиб һадисәси олан Мәсиһин өлүмүнүн Хатирә ҝеҹәсини вә онун сизә ҝәтирдији фајданы гијмәтләндирин. Һәгиги мәсиһчиләрин дүнја мигјасында апрелин 5-дә гејд едәҹәји бөјүк бајрамда иштирак един.