«Јеһованын Шаһидләри. Әмәлдә ҝөрүнән иман, II һиссә: Гој нур ишыг сачсын»
Ҹозеф Рутерфорд гардаш вә онун әмәкдашлары 1919-ҹу илдә һәбсханадан азад едилдикдән сонра Мүгәддәс Китаб Тәдгигатчыларыны гаршыда бөјүк иш ҝөзләјирди. «Јеһованын Шаһидләри. Әмәлдә ҝөрүнән иман, II һиссә: Гој нур ишыг сачсын» видеофилмдән ҝөрдүјүмүз кими, онлары гаршыда чохлу тәгибләр, Мүгәддәс Китаб биликләринин артмасы вә иманларынын тәмизләнмәси ҝөзләјирди (Сүл. мәс. 4:18; Мал. 3:1—3; Јәһ. 15:20). Филмә бахдыгдан сонра ашағыдакы суаллара ҹаваб вермәјә чалышын.
1) Мүгәддәс Китаб Тәдгигатчылары хош хәбәри тәблиғ етмәк үчүн һансы үсуллардан истифадә едирдиләр? 2) 1931 вә 1935-ҹи илләрдә кечирилән тарихи конгресләрдә нә елан олунду? 3) «Ҝөзәтчи гүлләси»нин 1939-ҹу ил 1 нојабр сајында (инҝ.) һансы ваҹиб мәлумат дәрҹ олунмушду? 4) Рутерфорд гардашын Медисон-Сквер-Гардендә «Али һөкмранлыг вә сүлһ» адлы мәрузәни сөјләдији заман нә баш вермишди? 5) Нејтан Норр гардашын «Сүлһ чох сүрәҹәкми?» адлы мәрузәсиндә диггәтәлајиг мәгам нә иди? 6) Јеһованын Шаһидләри тәблиғ фәалијјәтләрини ҝенишләндирмәк мәгсәдилә 1942-ҹи илдә нә планлашдырырдылар? 7) Бирләшмиш Штатлар, Канада вә Јунаныстанда ҝедән мәһкәмә ишләри барәдә данышын. 8) Ҝилеад Мәктәби тәблиғ ишинин ҝенишләнмәсинә неҹә тәсир ҝөстәрмишди? 9) 1946-ҹы илдә һансы ваҹиб иш башлады вә бунун сәбәби нә иди? 10) Јеһованын Шаһидләри давранышларыны Мүгәддәс Китабда тәсис олунан нормалара ујғунлашдырмаг үчүн һансы аддымлары атдылар? 11) 1970-ҹи илләрдә тәшкилаты Мүгәддәс Китабдакы нормалара даһа да јахынлашдырмаг мәгсәдилә орада едилән бәзи дәјишикликләр барәдә данышын. 12) Бу филм сәнә һәр шејин Јеһова Аллаһын нәзарәти алтында олдуғуну вә бу тәшкилатын Она мәхсус олдуғуну баша дүшмәјә неҹә көмәк етди? 13) Бу филм, манеәләрә бахмајараг, сәјлә тәблиғ хидмәтини давам етдирмәк гәтијјәтини неҹә мөһкәмләндирди? 14) Бу филмдән истифадә едәрәк гоһумларымыза, Мүгәддәс Китабы өјрәтдијимиз инсанлара вә башгаларына неҹә көмәк едә биләрик?
Һәр өтән ҝүн Јеһованын Шаһидләринин тарихинә јени сәһифә әлавә едир. Бәс биз архаја бојлананда хидмәтдә ҝөстәрдијимиз сәјләримиз барәдә нә дејәҹәјик? Ҝәлин кечмишдә јашајан баҹы-гардашларымыз кими, ишығын парламасына ҹанла-башла өз төһфәмизи вермәјә давам едәк (2 Кор. 4:6).