«Јеһова Аллаһын мүасир халгы»
1. «Јеһова Аллаһын мүасир халгы» брошүрасыны нә вахтдан арашдыраҹағыг вә бу, бизә неҹә фајда ҝәтирәҹәк?
1 Октјабр ајынын 28-дән башлајараг јығынҹағын Мүгәддәс Китаб өјрәнмәсиндә «Јеһова Аллаһын мүасир халгы» брошүрасыны арашдыраҹағыг. «Үрәјини гору!» адлы вилајәт конгресиндә чыхан бу јени брошүранын мәгсәди Мүгәддәс Китабы өјрәнән кәсләри тәшкилата јөнәлтмәкдир. Бу нәшри арашдырмаг тәкҹә Јеһованын тәшкилатынын бир үзвү олдуғумуза ҝөрә миннәтдарлығымызы артырмајаҹаг, һәм дә хидмәт үчүн дәјәрли олан бу брошүрадан даһа еффектив сурәтдә истифадә етмәјимизә көмәк едәҹәк (Мәз. 48:13).
2. Бу брошүра јығынҹагда неҹә арашдырылаҹаг?
2 Неҹә арашдырылаҹаг? Ҝөрүшү апаран вахты елә бөлүшдүрәҹәк ки, һәр бир фәслә бәрабәр вахт дүшсүн. О, 28 фәслин һәр бирини арашдырмаға башлајанда фәслин адыны сәсләндирәҹәк. Сонра о, охумаг үчүн тәјин олунан гардашдан лазым олан абзаслары охумағы хаһиш едәҹәк. Бундан сонра ҝөрүшү апаран гардаш ҝириш абзас үчүн һазырладығы суалы верәҹәк. Даһа сонра галын шрифтлә башлајан абзасларын һәр бири ајры-ајрылыгда охунмалы вә арашдырылмалыдыр. Абзас охундугдан сонра ҝөрүшү апаран динләјиҹиләри абзасын фәслин ады илә неҹә әлагәли олдуғуна даир шәрһ вермәјә дәвәт едәҹәк. Брошүрадакы бир чох шәкилләрә дә шәрһ вермәк олар. Вахт јол верирсә, әсас ајәләр охунмалыдыр. Нөвбәти фәслә кечмәздән өнҹә, ҝөрүшү апаран сәһифәнин ашағысындакы суалларла фәсли тәкрарлајаҹаг. Әҝәр фәсилдә «Төвсијә» чәрчивәси варса, о охунмалыдыр. Динләјиҹиләр орадакы мәсләһәти тәтбиг етмәјин Мүгәддәс Китабы өјрәнән инсана ҝәтирәҹәји фајда барәдә шәрһ верә биләрләр. Әҝәр вахт имкан верирсә, ҝөрүшү апаран өјрәнмәнин сонунда кечилән фәсилләрин башлыгларыны тәкрар суал кими истифадә едә биләр. Јадда сахлајын ки, евдә Мүгәддәс Китаб өјрәнмәси кечирәркән бу ҝөстәришләрә риајәт етмәк шәрт дејил.
3. Брошүранын арашдырылмасындан там шәкилдә неҹә фајда әлдә едә биләрик?
3 Там фајда әлдә етмәк үчүн ҝөрүшә јахшыҹа һазырлашмаг лазымдыр. Шәрһ вермәјә чалыш. Мүзакирә заманы бу материалын Мүгәддәс Китабы өјрәнән кәсләрә нә үчүн фајдалы олдуғу үзәриндә дүшүн. Ҝәлин бу јени брошүранын васитәсилә инсанлара Аллаһын ирадәсини јеринә јетирмәјә көмәк едәк. Беләҹә, онлар да әбәди һәјат мүкафатыны әлдә етсинләр (1 Јәһ. 2:17).