«Јеһова Аллаһын мүасир халгы» брошүрасындан неҹә истифадә етмәк олар?
Бу јени брошүра Мүгәддәс Китабы өјрәнән инсанлары Јеһова Аллаһын тәшкилатына ҹәлб етмәк үчүн нәзәрдә тутулуб
1. «Јеһова Аллаһын мүасир халгы» брошүрасы һансы үч мәгсәд үчүн нәшр олунуб?
1 «Јеһова Аллаһын мүасир халгы» адлы јени брошүрадан истифадә етмәјә башламысанмы? Бу брошүра 1) Мүгәддәс Китабы өјрәнән инсанлары бизимлә, јәни Јеһованын Шаһидләри илә таныш етмәк, 2) онлара фәалијјәтимиз барәдә өјрәнмәјә көмәк етмәк вә 3) тәшкилатымызын ҝөрдүјү ишләри ҝөстәрмәк үчүн нәзәрдә тутулуб. «Јеһова Аллаһын мүасир халгы» брошүрасында һәр фәсил ҹәми бир сәһифәјә јерләшдирилиб вә бунун сајәсиндә һәр өјрәнмәнин сонунда бир фәсли беш-он дәгигә әрзиндә мүзакирә етмәк олар.
2. Бу брошүранын неҹә тәртиб олундуғуну вә үстүнлүкләрини гејд ет.
2 Брошүранын тәртибаты. Јухарыда гејд олундуғу кими, бу брошүра Јеһованын тәшкилатынын мүхтәлиф саһәләрини әһатә едән үч һиссәјә бөлүнүб. 28 фәслин ады суал вә ја нәгли формада тәртиб едилиб; галын шрифтлә јазылмыш јарымбашлыглар исә фәслин әсас фикирләридир. Брошүра дүнјанын 50-дән чох өлкәсиндән ҝөндәрилмиш шәкилләрин әсасында тәртиб олунуб; бу, ишимизин үмумдүнја характер дашыдығыны ҝөстәрир. Һәр фәслин сонундакы «Төвсијә» чәрчивәси васитәсилә Мүгәддәс Китабы өјрәнән инсаны өјрәнмәјә давам етмәси үчүн тәшвиг етмәк олар.
3. «Јеһова Аллаһын мүасир халгы» брошүрасындан неҹә истифадә етмәк олар?
3 Истифадә гајдасы. Илк нөвбәдә, фәслин адыны ҝөстәр, сонра өјрәнән инсанла бәрабәр фәсли вә галын шрифтлә јазылмыш јарымбашлыглары охујуб әсас фикирләри вурғула. Сонда исә сәһифәнин сонундакы суаллар васитәсилә фәсли тәкрарла. Фәсли һәм башдан-ајаға, һәм дә һиссә-һиссә охујуб мүзакирә етмәк олар. Һансы ајәни охујаҹағыны мүәјјән етмәк үчүн ајырдетмә баҹарығындан истифадә ет. Шәкилләри вә «Төвсијә» чәрчивәсини мүзакирә етмәји унутма. Һансы фәсли истәсән илк әввәл ондан вә ја өјрәнәнин тәләбатына ујғун олан фәсилдән башлаја биләрсән. Мәсәлән, јахын ҝәләҹәкдә јығынҹаг вә ја конгрес ҝөзләнилирсә, өјрәнән инсанла 11-ҹи фәсли мүзакирә етмәк олар.
4. Бу јени вәсаитә ҝөрә нә үчүн севинирсән?
4 Кимәсә Мүгәддәс Китабы өјрәдәркән биз һәмин инсана сәмави Атамызла таныш олмаға көмәк едирик. Бунунла јанашы, биз она Јеһованын тәшкилаты барәдә дә өјрәтмәлијик (Сүл. мәс. 6:20). Ишимизи асанлашдыран бу јени вәсаитә ҝөрә чох севинирик.