Тәгдим едәҹәјимиз јени брошүра
1. Нојабр ајы әрзиндә нәји тәгдим едәҹәјик вә бу нәшр һансы мәгсәд үчүн нәзәрдә тутулуб?
1 2009-ҹу илдә кечирилән «Ојаг дурун!» адлы вилајәт конгресиндә «Мүгәддәс Китаб бизә һансы хәбәри чатдырыр?» брошүрасынын чыхдығы барәдә елан олунду. Нојабр ајы әрзиндә бүтүн дүнјада јығынҹаглар илк дәфә бу брошүраны тәгдим едәҹәкләр. Бу нәшр әразимиздәки инсанлара һансы фајданы ҝәтирәҹәк? Әксәр инсанлар, хүсусилә дә христиан дининә мәнсуб олмајанлар Мүгәддәс Китаб һаггында чох аз шеј билирләр. Буна ҝөрә дә, брошүранын 3-ҹү сәһифәсиндә дејилир ки, о, «Мүгәддәс Китабла үмуми танышлыг үчүн нәзәрдә тутулуб».
2. Брошүраны неҹә тәгдим етмәк олар?
2 Брошүраны неҹә тәгдим етмәли? Мисал үчүн белә демәк олар: «Биз бу сөзләр һаггында сизин фикринизи билмәк истәрдик. [2 Тимотејә 3:16 ајәсини оху.] Сөһбәт етдијимиз инсанларын чоху бу сөзләрлә разылашыр, диҝәрләри исә дүшүнүрләр ки, Мүгәддәс Китаб садәҹә јахшы бир китабдыр. Бәс сиз Мүгәддәс Китаб һаггында нә дүшүнүрсүнүз? [Ҹаваб вермәсинә изин вер.] Һансы динин үзвү олмағымыздан асылы олмајараг, Мүгәддәс Китабы өзүмүз охујуб арашдырмаг үчүн әсаслы сәбәбләримиз вар. [3-ҹү сәһифәдәки ҝириш абзасы оху.] Сиз бу брошүрадан Мүгәддәс Китабын гыса иҹмалыны охусаныз, мараглы бир шеј ҝөрәҹәксиниз: Мүгәддәс Китабда үмуми бир мөвзудан вә хәбәрдән бәһс едилир».
3. Чохларынын христиан дининә мәнсуб олмадығы јерләрдә һансы тәгдимәдән истифадә етмәк олар?
3 Тәклиф олунан нөвбәти тәгдимәни хүсусилә дә чохларынын христиан дининә мәнсуб олмадығы јерләрдә истифадә етмәк олар: «Мүгәддәс Китабда јазылмыш бу сөзләр һаггында сизин фикринизи өјрәнмәк истәрдик. [Мәзмур 37:11 ајәсини оху.] Неҹә дүшүнүрсүнүз, бу сөзләр јеринә јетәндә јер үзүндә һәјат неҹә олаҹаг? [Ҹаваб вермәсинә изин вер.] Бу, Мүгәддәс Китабын мәдәнијјәтиндән вә дининдән асылы олмајараг, бүтүн инсанлара неҹә үмид вә тәсәлли вердијини ҝөстәрән нүмунәләрдән садәҹә биридир». 3-ҹү сәһифәдәки ҝириш абзасы оху вә брошүраны тәклиф ет.
4. Мүгәддәс Китаб өјрәнмәси башламаг үчүн брошүрадан неҹә истифадә едә биләрик?
4 Мүгәддәс Китаб өјрәнмәси башла. Тәкрар баш чәкән заман кечән дәфәки сөһбәтимизи ев саһибинин јадына сала биләр вә мүзакирә етдијимиз мөвзуја даир сечдијимиз бөлмәнин ахырындакы суалларын көмәјилә бир-ики абзасы нәзәрдән кечирә биләрик. Бу, Мүгәддәс Китаб өјрәнмәси башламаг үчүн ҝөзәл имкандыр. Ҝәлин нојабр ајы әрзиндә бу брошүра тәгдим олунан заман һәр биримиз бу ишдә фәал иштирак едәк!