Хидмәтдә пүхтәләшәк. Гејдләр апармагла

«Өзүнә вә вердијин тәлимә һәмишә диггәт јетир» (1 Тим. 4:16). Һәвари Павелин Аллаһдан илһам алараг Тимотејә вердији бу мәсләһәт ҝөстәрир ки, биз јени вә ја тәҹрүбәли тәблиғчи олмағымыздан асылы олмајараг, пүхтәләшмәјә чалышмалыјыг. Бу ишдә бизә «Бизим Падшаһлыг Хидмәтимиз»дә чыхаҹаг «Хидмәтдә пүхтәләшәк» адлы јени рубрика көмәк едәҹәк. Һәр мәгаләдә ваҹиб бир баҹарыг вә һәмин саһәдә пүхтәләшмәк үчүн мәсләһәтләр мүзакирә едиләҹәк. Ај әрзиндә һамы һәмин баҹарыға хүсусилә диггәт јетирмәјә тәшвиг олунаҹаг. Ај битдикдән сонра Хидмәти ҝөрүшүн бир бәндиндә шәраит јарадылаҹаг ки, биз һәмин баҹарыға диггәт вермәклә һансы фајданы әлдә етдијимиз барәдә шәрһ верәк. Бу ај биз марагланан инсан һагда гејдләр апармаға тәшвиг олунуруг.

Нә үчүн ваҹибдир? Бизә һәвалә олунан иши јеринә јетирмәк үчүн јалныз тәблиғ етмәклә кифајәтләнмәмәлијик. Биз марагланан инсанлара тәкрар баш чәкмәли, онлары өјрәтмәли, әкдијимиз һәгигәт тохумларыны суламалыјыг (Мат. 28:19, 20; 1 Кор. 3:6—9). Бунун үчүн Инсаны јенидән тапмаг, ону нараһат едән шејләр һагда данышмаг вә кечән дәфәки сөһбәтимизин давамыны ҝәтирмәк тәләб олунур. Буна ҝөрә дә марагланан инсан тапанда гејдләр апармаг ваҹибдир.