«Ҝөзәтчи Гүлләси»нин јени тәлим нәшри
СӘНИН охудуғун бу журнал «Ҝөзәтчи Гүлләси»нин тәлим нәшринин илк бурахылышыдыр. Биз сәни бу журналын јени тәртибатынын бәзи јөнләри илә таныш етмәк истәјирик.
Тәлим нәшри Јеһованын Шаһидләри вә Мүгәддәс Китаб өјрәнмәсиндә ирәлиләјиш едән инсанлар үчүн нәзәрдә тутулуб. Бу журнал ајда бир дәфә чыхаҹаг вә орада дөрд вә ја беш өјрәнмә мәгаләси олаҹаг. Һәмин мәгаләләрин графики журналын үз габығында чап олунаҹаг. «Ҝөзәтчи Гүлләси»нин күтләви нәшриндән фәргли олараг, тәлим нәшри тәблиғдә истифадә олунмајаҹағы үчүн үз габығынын ҝөрүнүшү сајдан-саја дәјишмәјәҹәк.
Журналын 2-ҹи сәһифәсиндә һәр өјрәниләҹәк мәгаләнин мәгсәди һагда гыса хүласә вериләҹәк вә саја дахил олаҹаг диҝәр мәгаләләрин мүндәриҹаты јерләшәҹәк. Бу јенилик «Ҝөзәтчи Гүлләси»ни апаран гардашлара јығынҹаг ҝөрүшүндә мәгаләләрин даһа сәмәрәли мүзакирәсинә һазырлашмагда чох көмәк едәҹәк.
Сән ҝөрәҹәксән ки, өјрәнмә мәгаләләри әввәлләр олдуғундан бир аз гысадыр. Буна ҝөрә дә, онларын арашдырылмасы заманы әсас ајәләрин мүзакирәсинә чох вахт галаҹаг. Биз сәни сәмими-гәлбдән һәр мәгаләдә ҝәтирилән бүтүн ајәләри нәзәрдән кечирмәјә тәшвиг едирик. Бәзи ајәләрин јанында «оху» јазылаҹаг вә бу ајәләр өјрәнмә мәгаләләринин арашдырылмасы заманы охунуб мүзакирә едилмәлидир. Вахт јол верәрсә, ҝәтирилән диҝәр ајәләри дә охумаг олар. Бәзи мәгаләләрдә ајәләрин јанында «мүгајисә ет» јазылаҹаг. Бу ајәләр абзасын әсас фикирләри илә бирбаша бағлы олмадығы үчүн адәтән ҝөрүш заманы охунмајаҹаг. Буна бахмајараг, һәмин ајәләрдә әлавә мараглы мәлумат, јахуд да мүзакирә олунан фикирләрә әлавә изаһат ола биләр. Биз сәни, «Ҝөзәтчи Гүлләси»нин өјрәнилмәсинә һазырлашаркән һәмин ајәләри охумаға тәшвиг едирик. Сән белә ајәләри дә өз шәрһләринә дахил едә биләрсән.
2008-ҹи илдән етибарән иллик һесабат артыг «Ҝөзәтчи Гүлләси»ндә дејил, «Иллик мәҹмуә»дә олдуғу кими, «Бизим Падшаһлыг Хидмәтимиз»дә дә чап олунаҹаг. Јухарыда гејд едилдији кими, тәлим нәшринә башга мәгаләләр дә дахил олаҹаг. Онларын чоху јығынҹаг ҝөрүшләриндә мүзакирә олунмаса да, биз сәни һәмин мәгаләләри диггәтлә охумаға тәшвиг едирик. Онлар да «садиг вә ағыллы гул»ун тәгдим етдији руһани гидадыр (Мат. 24:45-47).
Беләликлә, «Ҝөзәтчи Гүлләси»нин тәлим вә күтләви нәшри фәргли журналлар дејил. Бу журналларын һәр икиси дә «Ҝөзәтчи Гүлләси Јеһованын Падшаһлығыны елан едир» адланыр. Һәр ики нәшрин 2-ҹи сәһифәсиндә «Ҝөзәтчи Гүлләси»нин мәгсәди изаһ едилир. Журналын һәр икиси ҹилдләнмиш нүсхәјә дахил едиләҹәк. Һәр ики журналын әсасында тәртиб олунан «Јадыныздадырмы?» рубрикасы тәлим нәшриндә чап едиләҹәк.
Дүнјада баш верән мүһарибәләрә, игтисади чәтинликләрә вә тәгибләрә бахмајараг, «Ҝөзәтчи Гүлләси» 1879-ҹу илдән бәри Аллаһын Падшаһлығы һаггында һәгигәтләри сәдагәтлә бәјан едир. Биз дуа едирик ки, Јеһованын хејир-дуасы илә журнал јени тәртибатында да буну етмәјә давам етсин. Дуа едирик ки, «Ҝөзәтчи Гүлләси»нин бир охуҹусу кими, јени тәлим нәшриндән фајдаланмағына Јеһова хејир-дуа версин.